في وسط كل مجموعة من الناس .. تلاقي واحد او اتنين مش ماشيين مع المجموعة .. متعايشين بس واضح جدًا انهم مختلفين يمكن في الطباع او الاهتمامات او الآراء…
بس اكيد في حاجة بتجمعهم و الا ماكنوش بقوا منسجمين و متعاملين عادي و بيحبوا بعض ..
ما تخفش تكون مختلف.. يمكن وجودك يكون بيعمل توازن انت مش حاسس بيه.. يمكن شكلك او اسلوبك لو مختلف عن الباقيين يكون حاجة ايجابية حتعرف سببها في يوم من الأيام..
حاجة تفيدك او تفيدهم.. ما اقدرش اعرف ايه هي .. بس أكيد كل واحد ليه مكان ودور محطوط فيه لهدف ما ..
مش كل زرع شيطاني يكون وحش.. هو صحيح كله زرع و كله اخضر .. بس مش كله شبه بعضه.. خليك مختلف و مميز.. صدقني وجودك بيفرق او حيفرق ..
ما تتلونش بلون حد.. لو فرق حتي في درجة لون واحدة .. حتبان و حتحلي الصورة ..
خليك زرع شيطاني 🙂 بس اوعي دورك في وسط اصحابك يكون شيطاني ..خالي اختلافك يبني مش يهدم.. يجمل مش يقبح.. اختلافك حيبان و حيتشاف ولو عن بُعد 🌿
و حتفرق حتي لو بعد ُعمر..
#تكفيك_نعمتي