ومشي آدم مع الشيطان جوه البهو الواسع لحد ما ظهر أول باب قدامهم وكان مكتوب عليه (الإلحاد).
أول ما وقف قدام الباب اتفتح ف لحظة ولقي نفسه وجها لوجه مع شيطان آخر… وشه كان… مختلف شوية عن إللي كان ماشي معاه.
ملامحه كان فيها عقل وحكمة واتزان مبهر
…. يا أهلا وسهلا بالضيف الجديد… شكل أمرك لسه متحسمش)
… تعالي اقعد لحد ما نعرف مصيرك هيكون إيه
قرب متخافش!!
إيه الأوضة الغريبة دي؟ وإيه إللي مكتوب علي جدرانها العالية دي؟ وازاي يبقي الإلحاد!!… سلاح ليكم مع أنه ضد وجودكم أصلا؟ ما هو طالما الإنسان اقتنع أن (الله) مش موجود ف بالتالي إنتم كمان مش موجودين إيه اللخبطة دي؟
…. ما هو ده عز الطلب ياآدم… وكلام ف سرك إحنا بنعتبر إن ده أعظم إنجاز لينا) إننا نقنع الناس إننا مش موجودين لما بنقنعهم (إن الخالق ده أسطورة وحواديت وتخاريف… ده أعظم إنجاز). أنا مشفتش أغرب من كده…. إزاي يبقي أعظم إنجاز لحد إنه يقنع الناس إنه هو بنفسه ملوش!! وجود؟
بص ياآدم.. طول ما الإنسان عارف إن فيه ربنا هتفضل الحتة الكويسة إلي جواه تنغص) علينا إحنا عيشتنا… هتخليه مش بالساهل يعمل إللي إحنا عاوزينه يعمله.
ممكن نعرف نوقعه مرة أو اتنين لكن هيفضل الصوت إلي جواه ده ينغص عليه وعلينا عيشتنا… بياخد مننا جهد كبير ومؤامرات وخطط ممكن تاخد شهور وسنين علشان نجيب رجله.. في لحظة ضعف ويقعد بعدها يقرفنا لما يندم واحنا مبنحبش كده (قوم إيه يا آدم… نجيبهاله من جذورها ونريحه ونريح نفسنا.
يعني إيه نجيبهاله من جدورها؟
يعني نستخدم فلسفة العالم ومعلوماته وعلومه المحدودة ونخليه يشوف الأجزاء إللي تخدمنا منها زي ما احنا عاوزين لحد ما هو بنفسه يقتنع إن مفيش خالق وحوار الله ده خرافة وهلوسة
!! إزاي يتعملوا كده؟ ده ربنا موجود ف كل روح حية للأعمي قبل المفتح؟
(الموضوع مفيش أسهل منه عارف ليه؟)
لأننا بنختار جنودنا علي الأرض يقوموا بالمهمة دي… بنختارهم بمواصفات معينة دقيقة جدا
إيه هي المواصفات دي؟
.. أهم صفة إنه يبقي عبد مذلول لينا ولبضاعتنا
ميعرفش يتحكم في غرايزه ولا رغباته
مستعبد ليها زي مدمن المخدرات في مراحل متطورة صعبة جدا وشبه مستحيل الشفا منها إحنا بنستلمهم… بس خد بالك النوع إللي بنختاره منهم لازم يكون له مظهر القوة الظاهرية.. يعرف بنستلمهم… بس خد بالك الكلام… يتفلسف كويس.. يلوع الكلام.. يتوه إللي قدامه بأساليب معقدة من الحوارات الفلسفية الجوفاء…. يستخدم ألفاظ معقدة من علم النفس علي شوية علوم تانية علشان يحسس إللي قدامه إنه عالم وقارئ كل الكتب من بداية الحضارات وهو أصلا حمار… ياخد أجزاء من العلوم والمعارف وإللي أغلبها من اكتشاف البشر برضو وبعد قرون بتطلع غلط ويسلط عليها ضوء…. بيكون مجتزئها من المعلومة الكاملة.
بالثقة الرهيبة إللي بنديهاله في طريقة كلامه بيكون طعم ناجح جدا لأعداد كبيرة من الناس إللي في الغالب بيكونوا شبهه في العبودية للخطية والشر والشهوات لكن جهلاء بالعلم والتاريخ وسهل يتضحك عليهم.
والأهم من كل حاجة إنهم كلهم عاوزين الصوت إللي بينغص عليهم عيشتهم لما بيكسروا (وصايا الله يسكت للأبد فبيلاقوا عند إللي بيروج بضاعة الإلحاد غايتهم وراحتهم).
طيب وهل بيرتاحوا فعلا
(أنت باين عليك عبيط…. يرتاحوا إزاي بالعقل حتي… إحنا إللي بنرتاح علي قفاهم)
طيب هما ليه مش بيرتاحوا…. حتي ولو ف الدنيا؟
مش بقولك عبيط… أنا دلوقت لو وقفتك في مكان الشمس فيه قوية جدا… وحفرت حفرة) ودفنت فيها راسك وردمت عليها ومبقتش شايف حاجة خالص… هل معني كده إن الشمس (مش موجودة؟
لا طبعا!! معناها إن أنا إللي مش شايفها
… بالضبط كده)
الناس دي بس بتتخدر شوية… بتكتم الصوت إللي جواها وإللي بيقرفنا إحنا كشياطين ويعطل إنجازنا ف حصد الأرواح فبيكون سهل علينا نململهم بحجة الحرية وإن مفيش حساب ونخليهم يضيعوا غيرهم بسهولة ويسر…. م الآخر بيكون خادم لينا بس بشياكة وحكمة…. شيطان كلاسي كده ف نفسه… أبو العريف ودارس وفاهم… كفاية يستهزأ بأدب ونظرة عميقة بكام حد بيتكلم عن ربنا طبعا علشان يبان راجل مفكر وراقي ما هو لو استهزأ بطريقة واطية هيفقد مصداقيته إللي بتميزه.
لعب ع كبير يسطا…. بس واكل حلو معاكم ياولاد الإنس المستبعدين لمذلاتكم وشهواتكم خصوصا ف الأيام دي إللي كنا بنجهز لها من مدد بالتواصل الاجتماعي السريع والمرعب ووجود كل المبيقات والمدمرات ببلاش وانتم ف بيتكم وسرايركم كمان….
(كل شئ مدروس
طيب إيه إللي بيجرا للنوع ده؟
يبقي زي الخاتم ف صباعنا طبعا… أنا بتكلم عن جنودنا المبشرين بالإلحاد… لحد ما بنجيبله مصيبة مجاش لا قبلها ولا بعدها لحد) … ونقعد نضحك عليه… ف الغالب بعدها بيفقد عقله تماما ولما بيموت بيتحاسب علي آخر حاجة كان عليها قبل ما يتجن وطبعا بنشقطوا هنا ونعمل (عليه حفلة شاورمة)
… طيب والباقيين إلي ضيعهم
جزء منهم بيبقوا جنود ليه وبيكون مصيرهم زيه وجزء تاني للأسف الشديد بيضيع من إيدينا وبيفهم الخدعة بعد كذا مصيبة تكسر الضهر ودول بنزعل جدا أنهم فلتوا من إيدينا
بص ياآدم الإلحاد ده أغلي وأهم كارت بنلعب بيه…. والشيطان إللي بيعرف يكسب بيه نفوس (بيترقي وبيكون في أعلي رتبة مملكتنا… لأنه بيقلل المجهود علي زمايله جدااااا)
طيب بما إن الوقت زي ما بتقولوا طويل أنا عاوز أعرف إزاي بتدخلوا فكرة الإلحاد فدماغ حد… إيه التكتيك بتاعكم وإيه إللي ممكن ينسف التكتيك ده من جذوره وانتم مخبينه؟
(ماشي ياعم آدم…. تعالي معايا وأنا هوريك حاجة الأول)
قام آدم مع الشيطان إللي جه معاه ومشيوا مع شيطان الإلحاد لحد ما وقفوا قدام باب تاني وف….. لمح البصر اتفتح