انهارده كنت نازلة مستعجلة وكنت ببدل بين شنطتين، فأخذت المحفظة بسرعة و حطيتها في الشنطة التانية ونزلت اللي عارفني كويس عارف إني مش بحب الشنط الكبيرة خالص وتقريباً أكبر شنطة عندي قد محافظ أصحابي ومحفظتي مقاس البطاقة و الرخصة كده.
المهم أن الشنط بتكفي كل حاجة محتاجها و محدش يسألني إزاي، بس هي فعلاً بتاخد كل حاجة رغم مقاسها الصغير ده.
طول اليوم انهارده حاسة بتقل رهيب في الشنطة لدرجة رقبتي ابتديت توجعني، لأني بشيل الشنطة بالطريقة معينة علشان ما تقعش مني كل شوية وببقي نسياها خالص بالشيلة دي و مش شايلة همها،
Crossمن الآخر كده .
قررت افتح الشنطة أشوف إيه اللي متقلها قوي كده ..!
لأني ابتديت أصدع من وجع رقبتي
لقيت فيها حاجة غريبة قوي.. لقيت قفل !! 🔓!!
متوسط الحجم و مالوش مفتاح كمان، إني افتكر ده بتاع إيه وإيه اللي جابوه في الشنطة !!مفيش طبعًا ولا فاكرة حاجة طيب مفتاحه فين ..طيب محدش ضايع منه قفل يا جماعة !!!طيب مين حطلي قفل في الشنطة ده يومي اتضرب من صداع بسببه!!
مش فاكرة ولا حاجة ..
ده بالضبط اللي بيحصل في حياتنا بالمناسبة ..
ساعات كتير بنشيل حاجات ملهاش لازمة فوق رأسنا ..هموم ممكن.. ملهاش أساس.. تقل على قلبنا كده مكدر حياتنا و أيامنا بدون داعي..
صدقني لو أخدت لحظة تراجع حياتك هتلاقي في حاجات كتير ممكن ترميها وتريح قلبك شوية ..
افتح قلبك ودور جواه على اللي متقله.. لو مالوش لازمة ولا ليه مفتاح.. ارميه
قول لربنا يشيل عنك أثقالك !
هو وعد “تعالوا إلي يا ثقيلي الأحمال وأنا أريحكم”
الموضوع بس محتاج نظرة لجوا الشنطة
*اللي ناسي معايا قفل يا جماعة يا ريت يأخده علشان مش طلبه ادخل في علاج فقرات كمان الله يستركم
#تكفيك_نعمتي