الصبح لما تفتح عينيك بص علي السما.. هتلاقي ربنا باعتلك شمسه.. كنت شرير او صالح.. هيشرق عليك بنوره.. أكيد أحنا ما نستهلش أن ربنا يفكر فينا ليل نهار كدة.. بس هو بيحبنا رغم خطايانا الكثيرة.. شمسه اللي بيبعتها مش بتنور لناس اه و ناس لا..مش بتنقي ..هو مراحمه تشملنا كلنا ..بس ياترى احنا الصبح بنفكر فيه زي ما بيفكر فينا؟ ..بنقف نقوله اجعلنا من الصالحين ؟
بنقوله لو كنا أشرار سامحنا و ادينا فرصة نكون طيبيين ..بنفتكره زي ما بيفتكرنا كل يوم ..النهارده شمسه بتنور للكل ..بس عن قريب نوره لن يراه الا من احب الله و أخلص في ايمانه ..وسعي أنه يرضي ربه.
ربنا مش طالب كتير مننا ..أقل حاجة بنعبر بيها عن حبنا ليه هو قابلها ..بس أحنا نفتكره زي ما بيفتكرنا كل يوم و يشرق علينا بشمسه ..
الشمس النهارده هتفكرك ترفع رأسك للسما و تقوله ..اقبلني يا رب واجعلني من الصالحين.
#تكفيك_نعمتي