٦ أيام اتخلق فيهم الكون.. كل يوم ربنا كان بيخلق حاجة وفي اليوم السابع، يقول الكتاب “انه استراح”..
٣ أيام غيروا مفهوم الحياة والموت .. صُلب.. مات.. قام ..
في اليوم التالت، يقول الكتاب “انه انتصر علي الموت، واعطانا حياة.. الحياة بعد الموت”
وقع تحت ايدي تأمل بيقول ان الـ٣ ايام يحصل فيهم حاجات كتير ..ده اللي خلاني اركز في اللي جاي ده ..👇🏻
هو اليوم الواحد بيحصل فيه حاجات كتير.. الساعة الواحدة.. والثانية كمان ..
هنعدي في تكوين – حياة – موت – حياة ..
هاخد التكوين بس..
تعرف دول يطلعوا كام يوم من اول ما بنتكون في الأحشاء .. لحد ما نتولد؟
بحسبة بسيطة كدة (تقريبًا ٩شهور جنين x ٣٠ يوم في الشهر = ٢٧٠ يوم!!!!) ازيد كام يوم او اقل مش ده المهم ..
المهم ان الهي اللي خلق الكون ده كله في ٦ ايام .. خلقني انا وانت وكلنا في ٢٧٠ يووووووم..
وفي كل ثانية آلاف بتكلل عمله خلال ٢٧٠ يوم و بتيجي للدنيا ..
قدرت تفهم قد ايه انت مهم …وحب يفديك و ينتشلك من خطيئتك؟
هكذا أحب الله العالم حتى بذل ابنه الوحيد فداءً عني وعنك ..
وان آمنا فقط به .. فلو متنا فسنحيا من جديد.. لأنه القيامة والحياة..
ايوه انت مهم قوي عند ربنا .. وخلقك بدقة رهيبة ومش هيسيبك.
#تكفيك_نعمتي