يا مصر ليه بقيتي قاسية
هو انتي لولادك ناسية؟؟!!
يا مصر ليه الضعف والانكسار؟؟!!
افرحي وقومي ده اتفك الحصار
قلنا عايزين حياة حرة كريمة…..
حياة تكرمنا تقوينا…..
بس للأسف يظهر إن ده مش هيتحقق
ولا حد هيقدر بالأحداث يتنبأ
يا مصر هجرناكي زمان بسبب الفساد
ودلوقتي مشتاقين لأيام البهجة والوداد
مش هنسيبك ولو أغرونا بالفلوس
حتي لو داسوا علينا دوس
طب ما أي حد ممكن يقول أنا بيكي مهووس
وممكن في ثانية يبيع ضميره بالفلوس
لأ… ده كابوس لازم نفوق منه
والشعر ساعتها مش هيبقي في فايدة منه
الشعر ده إحساس, كلام وأقوال
أما المشكلة هي القلب والنية والأفعال
في ناس عشان حريتك راحوا لعالم تاني
عالم مفهوش فساد ولا قولة حقي عداني
زمان كنت بشوف الغلابة والمساكين هما المسجونين
وكنت بشوف البهوات عايشين فرحانين ومبسوطين
يا مصر لو كنت غلطت فيكي زمان سامحيني
ومن حبك وخيراتك اديني
يا مصر أنا كنت زمان عايش في شقاء
لكن دلوقتي بقيت لتغييرك مشتاق
ياريت ماتسيبناش كده في اشتياق
وساعدينا نوصل بيكي لعنان السماء