* لو كان محافظ قنا الجديد لواء ومسلم كانده هيبقي رد فعل أهل قنا؟!!!
محاسب
* إيه علاقة الديانة بالوظيفة وكفاءة العمل؟… كفايا بقي إحنا زهقنا من مواضيع الدين والطائفية نفسنا نحس بحرية وديموقراطية حقيقية.
مدرسة
* ليه التصويت في الانتخابات الجاية مش بالقايمة النسبية واكتفوا بالنظام الفردي والقايمة بس؟!
محام
* موضوع بيان مجلس الوزراء إللي هايبقي أسبوعي هيبقي التزام من الحكومة بشغل جديد تقدمه للشعب وهايدي راحة وثقة من الشعب في عمل الحكومة.
موظف
* من حق المصريين في الخارج المشاركة في الانتخابات طبعا وده كان المفروض من أول الاستفتاء علي التعديلات الدستورية.
زوجة أحد المغتربين
* لسه أنبوبة الغاز سعرها عالي قوي مع أنهم قالوا هاترخص.
ربة منزل من عزبة النخل
* المفروض يعملوا مقار الحزب الوطني المنحل مستشفيات حكومية بنظام جديد فيه احترام لآدمية المريض.
مواطن من القاهرة
* خدوا ولادنا من قلب الملعب وخدوا بطايقهم ووجهولهم تهم من غير ذنب… طب يحققوا معاهم ويعرفوا إن كانوا مذنبين ولا لأ.
والدة شاب من الالتراس الزملكاوي
** بعد مباراة الزمالك والأفريقي
* آخر حاجة بنفكر نشتريها الذهب… سعره بقي فوق الخيال ولا نعرف السبب ولا السعر هايفضل لحد إمتي وينزل.
موظف بشركة خاصة
* تأمين مباراة كرة قدم بقي أهم من تأمين المستشفيات!!
طبيب بمستشفي جامعي
* بلطجية بيدخلوا علينا بالسنج وخناقات وبهدلة… نستقبل مرضي إزاي!!
طبيب بمستشفي المطرية