الشعب المصري…مهموم بالأحداث…أو غافل عنها…لكنه الشارع المصري.
*الأنبوبة بتتباع للدور الأول بعشرة جنيه والأدوار العليا بـ 15جنيه…هو فعلا فيه أزمة ولا ده استغلال بياعين؟!.
موظف
*لما يكتبوا لولادنا الامتحانات غلط…إزاي مستنينهم يحلوا صح؟!.
سيدة من إسكندرية
*لو الموظفين الكبار في كل هيئة خافوا ربنا وشبعواهيتفضل لينا فلوس ناخد حقوقنا من حوافز وبدلات و…و…
سائق سكة حديد
*وعدونا بالحوافز من كام شهر لحد ما اعتصمنا وده حقنا.
عامل إشارة بالسكة
الحديد
*رغم إنهم عوضونا عن حق التذاكر لكن مين يعوض تعطيلنا عن مصالحنا إللي ضاعت علينا…إحنا ماكناش مسافرين نتفسح.
راكب قطار
مصر إسكندرية
*يعني إيه سائق ميكروباص يتحبس بسبب محاولة الحكومة لتحقيق الانضباط في القانون الجديد في الشارع المصري؟!.
كاتب
*لسه سامعين عن محاكمة الموظفين بتوع محرقة بني سويف…يا نهار أبيض هما لسه فاكرين!!دا زمان الموضوع اتنسي…دا إيه السرعة إللي إحنا فيها دي!!.
محام
*كل إللي نعرفه إن الكورة جوان…مش ضرب وشتايم ووقف طريق…الحكومة لأزم تحط حدود لتشجيع كرة القدم الجنوني.
مشجع كرة هادئ
**تعليقا علي الشجار بين جمهور الإسماعيلي والأهلي الشهر الماضي.
*في بلدنا فيه تجارة مربحة اسمها تجارة البشر…لكن للأسف بيربحوا فلوس وبيخسروا نفوس…وكوادر تقدر تقوم البلد علي رجلها سواء كانوا أطفال ولا نساء ولا شباب.
مدرس علي المعاش
*فين بتوع جمع القمامة مش قالوا فاتورة الكهرباء فيضيفوا عليها 3جنيه لجمع القمامة صدقوني محدش بيسأل فينا ومش عارفين نرميالزبالةبتاعتنا فين.
موظفة من القليوبية