الشعب المصري..مهموم بالأحداث..أو غافل عنها..لكنه الشارع المصري
————
0 قرار المجلس الأعلي للقوات المسلحة ببناء كنيسة أطفيح ومعاقبة المجرمين بداية رائعة للتعامل مع قضايا الأقباط الفترة الجاية.
صحفي
———-
0 المهم بعد حل مشكلة أطفيح تغيير ثقافة الناس نفسها لأن أي حل لمشكلة طائفية يبقي شكلي..المهم حلول جذرية.
باحث
——-
0 أنا مسلم ولم أتخيل الشارع بتاعي أبدا من غير الأقباط اللي فيه..دا إحنا عشرة عمر.
مواطن من حلوان
———-
0 الحقوا مصر من الخراب..لازم يكون فيه حلول سريعة جدا لوضع قوانين تساوي بين المواطنين جميعا علي اختلاف طوائفهم.
كاهن
———–
0 اتخدعنا في النظام القديم خدعة جامدة..محدش فيهم كان بيشبع كل واحد بيملك المليارات مافيش لغة الملايين عندهم.
محاسب
————-
0 اختيار رئيس الوزراء اللي خرج من رحم الثورة أعظم مؤشر علي نتائج ايجابية هانعيشها الفترة الجايةمحلل سياسي
———
0 الشرطة لازم ترجع وبقوة واحترام ليها وللمواطنين عشان الأمن يرجع أرجوكم.
عميد سابق
———
0 خلاص لغةالضرب علي القفاوالإهانة خلصت المفروض المذنب يتحط في إيده الكلابشات فقط دون إهانة ويعاقب قانونيا علي جريمته.
محامي
———
0 أرجوكم التفتوا للي بيحصل في البلد..إحنا مهددين بالجوع والحروب الأهلية والحروب الخارجية.
موظف
——–
0 عاوزين الشرطة ترجع تاني ..قلقانين علي ولادنا
ربة منزل
———
0 فيه ورق غاية في الأهمية هايفيد البلد صدقوني خاصة الورق الخاص بالأجانب الموجودين داخل مصر.
ضابط أمن دولة سابق