* ليه وزير التعليم ما يلغيش الكتب الخارجية خالص وتتوفر كل المعلومات في كتاب المدرسة… ليه!!؟!.
ولي أمر إعدادي وثانوي
* من أول السنة مجموعات تقوية طب ما يشرحوا في الفصل بذمة وضمير ومحدش هيحتاج مجموعة ولا درس.
موظفة
* شعب مش لاقي ياكل وفالح بس يتكلم في الدين… خلاص بقينا كلنا جهابذة في الدين وناسيين إن الدين لله وحده.
طيب
* فيه فضائيات بتضرب قنابل في البيوت المصرية من تحت لتحت ومحدش غبي… ياريت وزارة الإعلام تراقب البرامج المحرضة علي إثارة الفتنة.
مصور صحفي
* الطماطم مجنونة كل يوم بحال… والدهب أهبل لأن مين هايشتريه بعدما ارتفع سعره بجنون محدش شافه.
بائع متحول
* دي فرصتنا نبيع حتي الشبكة للعروسين… لأن مين هايقف قدام الدهب ويشتريه دلوقتي.
صاحب محل دهب صيني
* لحد النهاردة ما استلمناش الكتب ده كلام يا وزير التعليم.
ولي أمر بالصعيد
* أسعار الخضار نار… ومحدش بيقول ليه كده؟ ولحد إمتي هتكون غالية؟ وهيزودوا المرتبات قدام الارتفاع ده؟ ونروح لمين؟.
موظف
* أهالينا مخطوفين بقالهم شهور ومحدش سائل فيهم… فيه مفاوضات تقعد شهور ده تهريج من الحكومة.
زوجة أحد المخطوبين
** تعليقا علي اختطاف إحدي السفن بخليج السويس وعدم التوصل لحلول.
* مع إن الشهور التقيلة في الحر عدت إلا أن الميه لسه مقطوعة.
مواطن من عزبة النخل
* يعني نطمئن إن زيادة الأسعار هاتستمر يابتوع الحزب الوطني, والله الواحد مش عارف يشكر الحكومة علي إيه ولا إيه!!.
صاحب محل أسماك