الشعب المصري… مهموم بالأحداث… أو غافل عنها… لكنه الشارع المصري
* علي رأي المثل يدهو لنا باليمبن ياخدوه بالشمال.
موظف
* * تعليقا علي قرار صرف علاوة 10% للعاملين بالدولة.
* لو ما خدناش علاوة وخفضوا الأسعار أحسن ميت مرة من صرف علاوة وقدامها الأسعار تزيد… ومش أي زيادة!!.
موظف آخر
* لو العلاوة 10% التجار بيستغلوا ده ويرفعوا السعر 50 المية.
موظفة
* يكملوا القرار بتاعهم ويقولوا صرف علاوة مع مراقبة حازمة للأسعار يبقي كتر خيرهم.
محاسب
* قدمنا شكاوي ومانفعش… هتفنا محدش سمعنا… اعتصمنا ولا حد سأل فينا… والآخر قلعنا هدومنا ولسه.
عامل في شركة غزل ونسيج
* * تعليقا علي إضراب عمال شركة النوبارية لمطالبتهم بحقوقهم.
* هايلبسونا شولة أجولة ويشربوا هما بيبسي كولا جوه مجلس الشعب… وسايبينا نهاتي قدام المجلس.
عامل آخر
* عاوزين أدوية زيادة في المستشفيات وأجور عادلة للأطباء والممرضين… يعني يرفعوا الميزانية الخاصة بقطاع الصحة.
طبيبة
* * تعليقا علي قرار مجلس الشعب بتحديد ميزانية خاصة للصحة لا تكفي من وجهة نظر الأطباء والعاملين بقطاع الصحة.
* لما الدولة تقرر جزء صغير من ميزانيتها لأهم قطاعين فيها الصحة والتعليم يبقي الباقي بيروح فين؟!!!.
طبيب
* لما هتفنا بصوتنا ومحدش سمعنا, جبنا طوب وظلط وأزايز نخبط بيهم يمكن صوتنا يتسمع.
عامل من شركة المعدات التليفونية
* * تعليقا علي اعتصام عمال المعدات التليفونية أمام مجلس الشعب لمطالبتهم بمساواتهم بعمال شركة المصرية للاتصالات.
* بندفع العوايد والكهرباء والمية كل شهر… ليه قرارات الإزالة المفاجئة؟
مواطن من مدينة السلام
* * تعليقا علي صدور قرارات مفاجئة لعدة منازل بمدينة السلام.
* أول ما وكيل الوزارة حضر المياه حضرت وبسرعة الصاروخ.
مواطن من كفر الشيخ بقرية 56
* يعني كل المعتصمين أمام مجلس الشعب مشيوا في الخطوات الشرعية ومحدش سأل فيهم لحد ما الشمس كلت راسهم في الشارع!! يعملوا إيه بعد كده من مفاجآت؟!!
صحفية