الشعب المصري…مهموم بالأحداث…أو غافل عنها لكنه الشارع المصري
*إحنا كده كده مقاطعين اللحمة هو فيه حد يشتريها بأسعارها دي!!.
موظف
*مالها لحمة الجمعيات الاستهلاكية طعمها كويس وسعرها معقول بس المهم تبقي لحمة مضمونة وفيه رقابة عليها.
سكرتيرة في شركة
*يقاطعوا اللحمة آهي تبقي فرصة لتربية العجول وتتوفر اللحمة بعد كده وسعرها ينزل وترجع اللحمة لمجاريها.
جزار
*كل إللي طالبينه الحوافز بتاعتنا تبقي مرضية…أمال فين هيبة الدكتور وإحترامه.
طبيبة
*بلاش يوصلونا لمرحلة الإضراب عن العمل عشان ناخد حقوقنا والمرضي يكونوا الضحية.
طبيب
*هما عاوزين البطالة تزيد أكثر من كده ولا إيه؟!
طالب جامعي
**تعليقا علي قرار إلغاء الانتساب والانتساب الموجه بالجامعات.
*طب ما كده ها نلجأ للجامعات الخاصة وإللي معاه فلوس هايتعلم وإللي مش معاه تبقي راحت عليه.
طالبة ثانوية عامة
*دا حتي الكليات النظرية حجموا فيها الأعداد المقبولة يعني اتسددت فيوشنامن كل ناحية.
طالب ثانوية عامة
*طب والتموين مالو هو كمان…دي بطاقة التموين سند الغلابة كل شهر…ياناس حرام عليكم.
أرملة وتعول4 أولاد
*يعني نواب البرلمان إللي المفروض يخافوا علي مصلحة الشعب يضربوا مصالح الشعب وكمان يمنعوا التظاهر!!.
محاسب
*احتقان في الشارع المصري رهيب..كل مشكلة اجتماعية سياسة تتحول لطائفية…يا جماعة بناء دور العبادة…بناء دور العبادة…بناء دور العبادة.
باحث سياسي