الشعب المصري .. مهموم بالأحداث .. أو غافل عنها .. لكنه الشارع المصري
* العملية التعليمية كلها عاوزة تتصلح والاهتمام بالتربية والسلوك قبل التعليم أمر في غاية الأهمية.
مدرس
* لازم تتحط قوانين حازمة للطلبة في طريقة لبسهم والأدوات إللي شايلينها معاهم… دا فيه عيال معاها أمواس ومطاوي ده تعليم بالذمة؟!.
موظف وولي أمر
* * تعليقا علي أحداث العنف والقتل في مدرسة بالإسماعيلية.
* ومن ضمن الإهمال في المدارس أنهم يحطوا مراجيح مش مناسبة لمرحلة الأطفال والنتيجة تلامذة وأطفال بيتعوروا.
ولي أمر طفلين بمدرسة حكومية
* علي فكرة كل مذيع برنامج كورة بيطلع بيتكلم عن نفسه وعن معاداة بعض الناس ليه ودي ما بقتش برامج كورة دي تصفية حسابات وإعلانات.
محاسب
* الأمر خلاص محسوم… المرأة تقدر تكون وزيرة وسفيرة ورئيسة, إذن ينفع تبقي قاضية ولا إشمعنا دي؟!.
محامية
* الامتحانات جات لنا فرصة نقيس مستوانا ونتخيل جو اللجنة.
طالبة ثانوية عامة
* * تعليقا علي قرار إجراء امتحانات تجريبية للثانوية العامة في جميع المحافظات.
* لكن عاوزين نشعر بالجدية من قبل الطلبة والمدرسين نفسهم دا فيه طلبة بتغش وطلبة بتهرج وقت الامتحان.
طالبة ثانوية عامة
* عشمنا إن الوزير الجديد يرجع نظام الثانوية العامة سنة واحدة وكفاية تهريج في موضوع سنتين ده.
موجه تعليم علي المعاش
* أيا كانت التهمة الموجهة لطبيب الفيوم مش من حق حد يضربه في قسم الشرطة أو أي مكان تحقيق معاه والقضاء لازم يقول كلمته.
محام
* * تعليقا علي ضرب طبيب بالفيوم من قبل 3 ضباط أثناء التحقيق معه.
* كل عيد أضحي أو عيد قيامة يزيد سعر اللحمة… لو عاوزين نشتكي نروح لمين ونقول يا مين.
عامل في محل
* بأصحي الساعة 6 صباحا عشان ألحق طابور العيش قبل الزحمة وقبل ميعاد شغلي.
موظف قطاع عام