الشعب المصري .. مهموم بالأحداث .. أو غافل عنها .. لكنه الشارع المصري
* كيلو اللحمة بـ 60 جنيها ومعاشي 100 جنيه !!!.
عضو نقابة التجاريين
* لو عرفنا أن الدولة هاتعجزنا بقرارها.. ما كنا دخلنا صيدلة.
خريجة صيدلة
* * تعليقا علي قرار فتح الصيدليات بمساحة لا تقل عن 40 مترا.
* إحنا إعاقتنا – إعاقتين!!, هنلاقيها من إعاقة جسمنا ولا من إعاقة الدولة لينا في تسهيل حياتنا.
معاقة من عين شمس
* وبعد أزمة الأنبوبة ما هديت شوية.. لسه أنبوبة البوتاجاز بالنسبة لنا تمنها نار تمنها لسة عشرين وخمسة وعشرين جنيه.
موظف قطاع عام
* حسبنا الله ونعم الوكيل.. لإما يفتحولنا بيوتنا تاني.. لإما يشوفولنا حل ويلمونا من الشارع.
سيدة من القليوبية
* * تعليقا علي قرار إخلاء 6 منازل بالقليوبية.
* الزرع والسمك والهواء بسبب مصانع الأسمدة اتلوثوا وولادنا عندهم حساسية وكمان هيوسعوا المصنع؟!.
مواطن من ميت عنتر بالدقهلية
* بصراحة هيبة المدرس لازم ترجع زي الأول.. لكن مش بالضرب لأن ده أسلوب مرفوض.
ولية أمر تعمل طبيبة
* زمان كانوا بيقولوا محدش بيبات جعان.. دلوقتي فيه ناس بتبات من غير عشاء.
عامل في شركة خاصة
* يلوثوا الميه والهواء ويجيبوا للناس الأمراض والآخر يقولوا هنلغي العلاج علي نفقة الدولة.. فيه أكثر من كده ظلم؟!!.
محاسب
* ليه ما يخصصوش العلاج علي نفقة الدولة للفقراء فقط دون الشخصيات العامة والوزراء وكبار الموظفين!!.
طبيب
* إنتوا بتكسبوا ملايين, مش عارفين تصلحوا شوية مكن التذاكر.
راكب في محطة مترو الأنفاق
* إلا منبر نقابة الصحفيين في التعبير عن الرأي والتظاهر بشكل سلمي.. يعني الناس المطحونة والمظلومة والمقهورة تروح فين؟!.
صحفي
* خلاص يخلوا الظلم إللي واقع علي الناس مرة في الأسبوع عشان يبقي التظاهر مرة في الأسبوع.
رئيس تحرير
* * تعليقا علي قرار نقابة الصحفيين بتنظيم الوقفات الاحتجاجية مرة أو مرتين في الأسبوع.