الشعب المصري..مهموم بالأحداث..أو غافل عنها…لكنه الشارع المصري
* الشعب المصري لازم يفوق من قصة رفع الأجور,لأن جريمة ارتفاع الأسعار سببها ارتفاع الأجور.
رئيس تحرير
* المفروض يستقبلوا التلاميذ في أول السنة الدراسية بالورود..أهم متعوا نظرهم بأكوام الزبالة والمجاري اللي ضاربة قدام المدرسة.
سائق بيجو
* لو كل محافظ يمسك العشوائيات اللي عنده منطقة منطقة وينهي عليها..صدقوني في ظرف 5 سنين مش هيكون فيه عشوائيات في مصر.
محام
* كل كارثة بتحصل في البلد..بتفجر قدمها كوارث..زي حادثة الدويقة.
سائق تاكسي
* مترو الأنفاق بقي زحمة جدا في المدارس..ياريت يزودوا القطارات شوية.
موظفة
* هو احنا إنكتب علينا نبقي حقل تجارب…كل نظام جديد يطبقوه علينا زي خمسة وسادسة ابتدائي ونظام الثانوية العامة الجديد..وربنا يستر علينا.
طالبة أولي ثانوي
* بدل ما يدوا في برامجهم شقق لدكاترة حتي لو شباب..يدوها للي مش لاقيين حق دبلتين ومحبس ولا حتي لاقيين ياكلوا.
مشرفة في مدرسة
راهبات
* خلاص بنزين 80 بقي فيالطراوةيعني مع نفسه..ومش عارفين نلاقيه..يجيبوا من الآخر ويفرضوا بنزين 90 وغيره.
محاسب شركة
خاصة
* بعيني شفت عمود إشارة المرور واقع ومحدش سمي عليه وعمال يطفي وينور ومحدش بيقوله بتعمل إيه..
مواطن في وسط البلد
* في وقت الفضائيات بتفتح عين الأولاد علي الجواز بدري بدري..ظروف المعيشة بتأجل الجواز بسبب الغلاء والآخر يقولوا بطالة,جريمة,انحراف,…
أم لخمسة شباب
* أهو العيد علي الأبواب..يارب اللحمة ترخص شوية عشان نعيد,وبعدين اللي يحصل يحصل.
عامل محارة