* شقق الشباب بتتحجز لبعض معارف وأقارب المسئولين…وإللي مالهوش ظهر يتضرب علي بطنه.
##باحث عن شقة##
* ومازال البحث عن عبد الراضي مقاول الدويقة مستمر ويتوغل ويتسرب ويسقط…فيه كام عبد الراضي في مصر؟؟؟.
##محاسب في شركة خاصة##
* في كل أزمة تحصل زي الدويقة…فيه ناس بتكتب لنفسها شقق ما تستحقهاش…وده دور الحكومة إنها تدي الشقق للي يستحقوها.
##باحث إدارة وتنظيم##
* علي فكرة الحكومة هي إللي زقت الصخرة علي أهالي الدويقة عشان تطهر البلد من العشوائيات وأهي تقلل عدد السكان بالمرة!!
##سائق تاكسي##
* محطات الانتظار في مترو الأنفاق كلها صراصير…لا تعليق.
##راكب في المترو##
* حاولوا يحلوا أزمة رغيف العيش من ناحية وجود منافذ توزيع وأهي ضربت من الناحية الثانية,وأهي رجعت الأزمة يحلوها بقي من أي ناحية.
##صاحب أسرة##
* عاوز أسأل وحد يجاوبني…علي أي أساس بتتحدد الغرامة بتاعت المخالفة.
##سائق أجرة##
* الزمالك رجع للنجومية…كفارة يالعيبة.
##مشجع زملكاوي##
* دلوقتي بس افتكروا يعملوا لجنة لتطوير العشوائيات زي ما بيفكروا يعملوا إدارة أزمات بعد كل كارثة ونعيد الحدوتة من الأول.
##موظف##
* راجل أعمال يصرف ملايين ما نعرفش نعدها علي واحدة ست…دي الملايين تكفي والله لحل أزمة زي الدويقة أو أزمة العيش أو البنزين…أو…أو…حسبنا الله ونعم الوكيل.
##صاحب محل##
* بين كل مسلسل والتاني مسلسل إحنا عندنا مرض اسمه ##إسهال مسلسلات## ومين يوقفه.
##مدير فرع شركة##