الشعب المصري…مهموم بالأحداث…أو غافل عنها…لكنه الشارع المصري
* * يمسك ##القمع## ليصنع قطع القطايف دائرية لتسوي علي النار ##نصف سوي## لتقدم للزبائن…كما يفرد خيوط ##الكنافة## علي ##الصاج## لتخرج نصف مطهية لتباع للزبائن في رمضان…وبالهنا والشفا.
الحاج عمر ##50سنة## يعمل في هذه المهنة منذ قرابة 40عاما ##شرب المهنة## وأصبح الآن ##أسطي## كبير يعمل تحت يده ##صنايعية## كثيرين…فأصبح صاحب المهنة التي تتألق ويظهر نجمها واضحا في شهر رمضان…فيحلو الكلام معه لكن مشاكل الشارع المصري تراوده,فله أراؤه واهتماماته وإن كانت مختلفة أحيانا أو معلوماته قليلة…مفصول أو مرتبط بالمجتمع….فهو جزء لا يتجزأ منه…عم الأسطي عمر يقول…
* علمني المهنة دي الحاج زينهم وهو أسطي كبير في القليوبية لحد ما بقيت أنا كمان أسطي في مهنتي والحمد لله.
* مهنتنا محتاجة حرفة وتدريب كويس وموهبة لأن مش أي حد يعرف يعمل القطايف أو الكنافة.
* طبعا في شهر رمضان البيع أكثر وماحدش يفتكر أو يقول اسم القطايف والكنافة طول السنة…بيقوله في رمضان وكمان الحلويات دي بيبقي لها طعم ثاني.
* باقي السنة باشتغل في محل في القليوبية…لكن في رمضان فيه محلات بتطلبني بالاسم.
بصي…البيع زمان كان أحسن طبعا لأن الدخل كان كويس والحاجة رخيصة…وقول للزمان ارجع يا زمان…بقي ياريت الدنيا ترجع زي الأول.
* مين في الناس إللي زي حالاتنا دخله بيكفيه بالرغم أني ما عنديش عيال في مدارس…الله يكون في عون إللي بيعلم ولاده الزمن ده.
* أنا مش موظف عشان أعرف الوزراء…أنا راجل علي قد حالي كفاية إني أعرف الريس مبارك.
* إيه حريق مجلس الشوري ده؟ أهه أي حريقة يقولك بفعل فاعل وسلامو عليكم.
* صراحة ما عرفش يعني إيه مجلس شعب وشوري…يعني هما بيحلسوا وما بيعملوش حاجة ولا إيه؟!.
* نفسي أعيش زي الخلق ماهي عايشه…واللحمة ترخص شوية والحال يبقي أحسن.
* الناس الشبعانة كل يوم في رمضان بتطبخ لحمة…لكن إحنا نص الشهر بنقضيه بالخضار والعدس…هانعمل إيه يعني؟.
* بلدنا الوحيدة إللي الحاجة فيها لما بتغلي ما بترخصش.
* وابني فاضل له شهرين ويتخرج من الجيش..شايلين هموم علشان فرصة شغل واحدة زيه زي كتير من الشباب.
* ارتفاع سعر الدقيق خلي الحاجة غليت الضعف عشان كده حتي لو فيه بيع في رمضان لكن قليل بالنسبة للسنين إللي فاتت.
* لو شفت الريس هقوله خلي الحال يرخص شوية يا ريس عشان أعرف أجهز بنتي إللي مخطوبة بقالها 3سنين….الله يباركلك ويديك الصحة.