*أحلي حاجة في موضوع مصنع أسمدة دمياط إن الناس هناك عبرت عن غضبها بطريقة سلمية وما سمحتش لعناصر غريبة تندس في المظاهرات بتاعتهم زي بتوع المحلة الكبري.
محاسب
*كل جزار باشتري منه يتهيأ لي إن هيديني لحم حمير,نفسي أعرف الفرق ولو عرفت إنه بيبيع لحمة مغشوشة أبلغ عنه.
ربة منزل
*هي ليه الامتحانات السنة دي جاية بدري يعني في نصف مايو بدل آخر مايو.
طالب جامعي
*تو مافكروا يعملوا قانون للتوك توك بعد5سنوات من استخدامه في مصر…ليه ما بيصدرش القانون في مصر ويتطبق في وقتها بسرعة.
محرر
*يا مدامسلك المواعينسعره ارتفع لأن الحديد غلي.
صاحب محل
*ما طبعا الأهلي لازم ياخذ الدوري لإنه نادي وفريق منظم وعارف هو عايز إيه.
مشجع أهلاوي
*أصل النادي الأهلي بشتروا كل اللاعيبة الحلوة وبكده بيسيطر علي كل النوادي وطبيعي ياخد درع الدوري.
مشجع زملكاوي
*ماصدقتش نفسي لما لقيت منفذ لبيع الخبز في منطقتنا وكمان الساعة12صباحا كان فاتح وبيبيع.
سيدة من حي عشوائي
*قالوا هيردمو الرشاحالمصرفمن شهر مارس إللي فات وأدينا في مايو ومحدش سأل.
سائق بالقليوبية