*بيقولوا الوقاية خير من العلاج…يبقي الاهتمام بتقديم وجبات غذائية صحية وآمنة يحمينا من التسمم والأدوية وتعريض حياتنا للخطر.
طبيب
*عشان التحصيل الدراسي للتلاميذ والطلاب يزيد…لأزم يكون الأكل سليم…والعقل السليم في الجسم السليم.
أخصائية اجتماعية
*بيأكلوا التلاميذة أكل بايظ في المدارس…ومستنيين يطلعوهم إيه…علماء ولا دكاترة ولا إيه…؟!!
أحد أولياء الأمور
*كل اللحوم اللي في مناطقنا مش بتدبح داخل مجزر وما نعرفش مصدرها إيه…وبنشتري وخلاص يعني هنجيب منين!!
مواطن من حي شعبي
*أحداث المحلة كانت عبارة عنانتحارمش تعبير عن الرأي والاعتراض اللي ممكن يتم بطريقة سلمية…بدل ضياع أرواح ناس مالهومش ذنب.
محرر بإحدي الجرائد
*بعد الإضرابات والاعتصامات اللي حصلت..الشعب والحكومة هينشغلوا بنتائج إللي حصل في المحلة والقاهرة وإسكندرية وغيرهم وهينسوا الحل الجذري للمشكلة وهي ارتفاع الأسعار.
محاسب
*كل حتة في مصر فيها احتجاح أو اعتصام أو مشكلة…لو كل مسئول عرف طلبات واحتياجات الشعب وواجبه… كل المشاكل دي هتتحل بسهولة.
صيدلي
*بيقولوا أزمة العيش اتحلت ..طبعا ده في أماكن معينة لكن فيه أماكن المشكلة فيها بتزيد ….يقولوا المشكلة اتحلت لما كل محافظات مصر تبطل تصرخ من أزمة العيش.
موظف
*أنا خايفة من يوم الولادة…لأني خايفة أروح مستشفي حكومة.
سيدة حامل