الشعب المصري…مهموم بالأحداث…أو غافل عنها…لكنه الشارع المصري
*الشرطة والجيش لازم يبقوا إيد واحدة فعلا في الانتخابات.
محاسب
*من غير انتخابات والبلطجية مغرقين الشوارع…أمال وقت الانتخابات هايعملوا إيه ومين هيحاسبهم في غياب الأمن.
مدرس
*ياريت يشرحولنا الفرق بين الانتخاب بالقائمة والانتخاب الفردي.
صاحب مقهي
*الأنبوبة وقت العيد كانت بتتباع بـ30 جنيه وقالولنا بعد العيد هتتباع بـ40 جنيه عشان هايصدروا الغاز.
ربة منزل ليسانس آداب
*يصدروا الغاز إزاي وفيه أزمة بنزين مش راضية تخلص؟
موظفة
*محدش يدي صوته للي بيوزع فلوس وتموين…إنما للي بيخدم حقيقي وبرنامجه كويس.
باحث
*لو كل واحد مسئول وزع حقوق الناس بضمير…ولو كل واحد من الناس أخد حقه مش هيبقي فيه مظاهرات.
موظف قطاع عام
*المفروض يبقي فيه اهتمام بالفلاح وبالزراعة بعد الثورة…
مزارع
*شايفين إن كل حزب عاوز يأخذ نصيبه من التورتة عشان يفرض سيطرته ونفوذه علي البلد مش عشان مصلحة الشعب.
مديرة حسابات
*نفسنا بعد الانتخابات نلاقي أكل رخيص وشغل كويس لولادنا.
بائعة في محل
*إلحقوا الناس إللي في الأماكن العشوائية, مايعرفوش حاجة عن المرشحين لكن هايضحكوا عليهم بشوية زيت وسكر.
مندوب مبيعات
*نفسنا في رئيس مستقل مش تبع أي تيار يقوم بالبلد دي…نفسنا في سنين جميلة بقي ودولة مدنية زي بره.
شاب كان يعمل في الخارج
*هو إيه أخبار تحقيقات أحداث ماسبيرو؟!
مدرسة