الشعب المصري.. مهموم بالأحداث.. أو غافل عنها.. لكنه الشارع المصري
* فيه تيارات واخدة موضوع الانتخابات علي أعصابها.. هي عاوزة توصل لإيه؟!!
موظف
* بقالنا أسبوع أو أكثر شوية ما بنتكلمش عن أحداث ماسبيرو.. أهو فيه ناس ما خلصهاش ووعملت لنا زوبعة في الرزيقات, خلينا ما نقعدش فاضيين أبدا.
محاسب
* * تعليقا علي حرق بعض المخيمات في دير مارجرجس بالرزيقات الأسبوع الماضي.
* أكبر كمية حوادث طائفية حصلت بعد الثورة.. ليه؟!
طالبة جامعية
* الأمن أهم من الأكل والشرب.. وفروه الأول.
صاحب محل بحي شعبي
* أسعار اللحمة خيالية وإللي مش عاجبه عنه ما أكل لحمة.
عامل في مصنع
* كفاية كلام عن الفلول.. فيه ناس مش فلول وبتعرف تضرب البلد في مقتل ومايهمهاش مصلحة البلد.
طبيب
* أرخص حاجة بناكلها الكلام.. بلا لحمة بلا فراخ بلا عيش.
بائع متجول
* لو كل واحد ركز في شغله وساب الملك للمالك نص مشاكل مصر هاتتحل.
سائق تاكسي
* القنوات الرسمية سايبة تيارات تسب وتقذف في تيارات تانية وتكفرهم ومع ذلك التليفزيون مصمم علي استضافتهم كل شوية!!
صاحبة محل ملابس بشبرا
* استلمنا جدول امتحانات التيرم الأول.. من غير ما نستلم أو نعرف المناهج لحد فين مقرر وإيه اللاغي.
ولي أمر ابتدائي لغات
* يارب بلدنا تبقي مدنية زي تركيا.
موظف علي المعاش
* أحلي حاجة دلوقتي في بلدي إني بأحبها بالفطرة بس.
شاعر مبتدئ