الشعب المصري…مهموم بالأحداث…أو غافل عنها…لكنه الشارع المصري
*يعني نبقي في حالنا ولما نعترض علي هدم كنايسنا بالطريقة السلمية يفضوا اعتصامنا بالضرب والإهانة!!!
مواطن أمام ماسبيرو
*طب نعمل زي بتوع السفارة الإسرائيلية عشان نبين مدي غضبنا والناس يعملو لنا ألف حساب ولا إيه؟
مواطن آخر
**تعليقا علي فض اعتصام أقباط ماسبيرو بسبب أحداث هدم كنيسة قريةالماريناب.
*هو أحنا اتكتبت علينا المعاناة في بناء هدم كنايسنا في ظل النظام السابق والنظام الحالي ولا إيه!
متظاهرة من شبرا
*إحنا فعلا بدأنا نكرة حاجة اسمها حزب الوفد من كثر إللي بنشوفه ونسمعه…لا محدد هدفه ولا نياته ولا أي حاجة.
محاسب
*بيقولولنا استنوا ومش وقته مظاهرات, يعني أقول لعيالي مش وقته أكل وشرب ولبس استنوا بعد الثورة بشوية.
عامل نظافة
*ماهو من حقنا نسكن في مكان يلمنا…ولما محدش بيسمعنا.
مواطن من الدويقة
*أصل إحنا خايفين نستني…يجبي لنا حكام يضيعوا حقنا.
طبيب
*مش لاقيين بنزين بطريقة منتظمة…شوفوا البنزين وسلع تانية بتروح فين…الشعب أولي ياخوانا.
سائق تاكسي
*ياريت يستبعدوا الناس إللي مش متعلمين من الانتخابات وده مش من تقليل منهم…لكن عشان محدش يستغلهم لصالح تيار معين.
موظف
*حقنا نختار رئيس جامعتنا وعميد كليتنا ورئيس قسمنا كمان عشان يحس بطلباتنا ويفهمنا ولا للحزب الوطني تاني.
طالب من جامعة إسكندرية
*هو أي حد ينفع يرشح نفسه للرئاسة؟ يعني جوزي ممكن يرشح روحه؟
زوجة محصل كهرباء القاهرة