*السكر والرز والزيت واللبن, أهم الحاجات الأساسية غليت…ومافيش زيادة قدهم في المرتب!!
موظفة
*حتي مصاريف المدارس زادت جدا…إيه الأسباب مش عارفين المهم كله فوق دماغنا إحنا.
موظفة أخري
*قالوا هيقربونا من أماكن السكن…لكن جاتني حقوق بنها وأنا في الخصوص وده أقرب مكان لكن بعيد جدا جدا.
طالبة ثانوية عامة
*الأحزاب فيهاعك للركب…وماعدناش عاوزين نعرف أخبارهم ولا لعبتهم.
مدير بشركة خاصة
*لسه لحد النهارده فيه حوادث خطف بنات إحنا بنخاف قوي…فين الشرطة؟!
أم لثلاث بنات
*ناكل ونشرب ونعلم أولادنا ونلبس ونعيش بكام وإزاي وسط ارتفاع الأسعار النار دي…فين نتائج الثورة.
ربة منزل
*نفسنا في مصر عادية لا دينية ولا عسكرية يارب عادية.
مدرس
*الزحمة بقت أمر طبيعي بالنسبة لنا وبننتظر في الإشارات والزحمة أكثر ما بنمشي.
سائق تاكسي
*الحاجة الوحيدة إللي سعرها نزل العربيات…ما طبعا محدش معاه فلوس يبيع أو يشتري.
محاسب
*عاوزين مشاريع كثيرة لصالحنا مش لصالح رجال الأعمال وبس.
خريج تجارة
*قالوا فيه شغل طب فين؟ بدور علي وظيفة بقالي 4 سنين ومش لاقي شغل.
خريج حقوق
*الذهب بيعجز الشباب علي الارتباط أقل حاجة بـ 15 ألفا و20ألفا وتجهيز الشقة وغيرهما…طب وإيه الحل؟
فتاة 29سنة من القاهرة
*يعني إيه 50% عمال و50% فلاحين في الانتخابات طب إفرض مش مناسبين لازم ليه.
بائع
*سمعنا الكهرباء زادت بنسبة 17% علي أي أساس وإزاي نتحمل فاتورة كهرباء سعرها مضاعف؟
مواطن من القليوبية