الشعب المصري…مهموم بالأحداث…أو غافل عنها…لكنه الشارع المصري
* كل صلوات الشعب المصري من أجل البابا شنودة ما تجيش حاجة جنب صلواته هو لشعبه…ربنا يرجعهولنا بالسلامة.
##سيدة في إحدي دور المسنين##
* حلفتكم بالعظيم لو ضافوا ##الزبالة## علي فاتورة الكهرباء من أول الشهر الجاي زي ماسمعنا…هياخدوا الزبالة كل يومين ولا كل شهر ولا…؟!!##
##موظف من القليوبية##
* ومين اللي هياخد الزبالة؟ حد تبع وزارة الكهرباء ولا الحي ولا مين؟
##مواطن آخر##
* فيه ناس بتاخد العيش من منافذ التوزيع,وتبيع الرغيف بربع جنيه…مين يراقب ومين يحكم!!
##مواطن أمام منفذ التوزيع##
* نفسي أشوف مواصلة هيئة نقل عام نظيفة أو مافيهاش مشاكل في الشبابيك والكراسي.
##محاسب##
* كل فترة ناخد قلم علي ##قفانا## يوجعنا كلنا…مرة عبارة غرقانة,مرة حريق,مرة صخور بتقع ##وتفعص## تحتها المئات…إحنا ##قفانا## وجعنا خلاص.
##صحفي##
* بقيت أخاف أتفرج علي ماتش للأهلي عشان الوحش الكاسر اللي اسمه أبو تريكة.
##مشجع زملكاوي##
* أنا مصدوم…خلصت الجامعة وكنت متوقع هلاقي أي شغل مش شرط في تخصصي…لقيت كل المرتبات ما تكفنيش عيش حاف…أنا ضايع.
##خريج ليسانس حقوق##
* عطشانين يا خوانا دلونا علي أي سبيل أو ترعة حتي نملا منها ميه نشرب,بقالنا 5أيام ماشوفناش الميه ولا ساعة حتي.
##صاحب محل في الخصوص##