الشعب المصري…مهموم بالأحداث…أو غافل عنها…لكنه الشارع المصري
*كون إن فيه أقسام شرطة بتضرب لحد النهادرة, معناه إن الشرطة لسه ضعيفة والأمر لسه مارجعش بقوته.
محاسب
*لو الجيش طلع قرار بتأجيل الانتخابات البرلمانية وعمل الدستور الأول مع الاحتفاظ بالمادة الثانية وتعديلها لصالح الأقليات يا سلام…البلد هاتعيش في نعيم بجد.
موظف
*هو الكام بكام؟ ومين فين؟ ومنين علي فين؟ وإمتي؟
مندوب مبيعات ويكتب الشعر
**تعليقا علي جملة الأحداث السياسية والاقتصادية التي نعيشها.
*رغم تغيير سياسات الشرطة إلا أن فيه ضباط ماغيروش سلوكهم وطريقة كلامهم بعجرفة مع المواطنين!!
مدير بشركة خاصة
*أفضل حاجة سمعنا عنها الفترة إللي فاتت هي حضور الإعلام لجلسات المحاكمات, كده هيبقي فيه مصداقية أعلي وهذا ليس شك في القضاء لكن معايشة القضية ونقلها للجمهور أفضل بالصوت والصورة والكتابة.
إعلامية
*فيه ناس حصلت علي شقق في مساكن سوزان مبارك بوضع اليد, لكن لو الحكومة طلعتهم وإدت شققهم لغيرهم, هايروحوا فين…هايروحوا ماسبيرو ولا التحرير؟!!
محام
*هي بلدنا بتتقدم ولا بتتندم!!
موجه لغة عربية
*أدينا خلصنا امتحانات…هايساعدونا ولا ها يعزمونا نروح ميدان التحرير!!
طالب جامعي
*رزقنا هنا في الميدان مال المتظاهرين ومالنا…خلونا نشوف أكل عيشنا وهما يشوفوا إللي وراهم.
بائع في ميدان التحرير
*كله دلوقتي بيفتي ويحكم منطقته بطريقته…مصر بقي فيها كام مليون حاكم…بجد حال البلد يبكي.
صاحب محل بحي شعبي
*بلدنا مش عاوزة غير إن كل واحد يراعي ضميره في شغله هاتبقي بلدنا ولا اليابان في زمانها.
سائق تاكسي