الشارع‏ ‏المصري‏ ‏يقول

الشعب‏ ‏المصري‏…‏مهموم‏ ‏بالأحداث‏… ‏أوغافل‏ ‏عنها‏…‏لكنه‏ ‏الشارع‏ ‏المصري
‏*‏طلب‏ ‏النائب‏ ‏العام‏ ‏بتجميد‏ ‏أرصدة‏ ‏مبارك‏ ‏معناه‏ ‏إن‏ ‏مافيش‏ ‏حد‏ ‏تستعصي‏ ‏محاسبته‏ ‏الآن‏ ‏حتي‏ ‏لو‏ ‏كان‏ ‏مين‏.‏
طبيب
‏*‏كل‏ ‏الدول‏ ‏بعتت‏ ‏طيارات‏ ‏بدري‏ ‏لإنقاذ‏ ‏رعاياها‏…‏حكومتنا‏ ‏اتأخرت‏ ‏ليه‏!!‏
مصري‏ ‏عائد‏ ‏من‏ ‏ليبيا
‏*‏بصراحة‏ ‏الحكومة‏ ‏كانت‏ ‏معانا‏ ‏في‏ ‏لحظة‏ ‏حسينا‏ ‏إننا‏ ‏لوحدنا‏ ‏وعقبال‏ ‏الباقي‏.‏
عائد‏ ‏آخر
‏*‏بحلم‏ ‏بدولة‏ ‏مدنية‏ ‏مافيهاش‏ ‏أي‏ ‏تمييز‏, ‏نلاقي‏ ‏فيها‏ ‏كل‏ ‏الأشكال‏ ‏والألوان‏ ‏والاتجاهات‏ ‏من‏ ‏البشر‏.‏
خريج‏ ‏حقوق
‏*‏هما‏ ‏ليه‏ ‏قطعوا‏ ‏إرسال‏ ‏قنوات‏ ‏زي‏ CTV ‏وغيرها؟‏!‏
موظفة
‏*‏حقيقي‏ ‏لسه‏ ‏عندنا‏ ‏عقدة‏ ‏من‏ ‏الشرطة‏…‏هما‏ ‏عاوزين‏ ‏شوية‏ ‏مجهود‏ ‏عشان‏ ‏ثقتنا‏ ‏فيهم‏ ‏ترجع‏ ‏تاني‏.‏
بائع
‏*‏احنا‏ ‏فين‏ ‏بعد‏ ‏الثورة‏…‏احنا‏ ‏عددنا‏ ‏مش‏ ‏قليل‏…‏فين‏ ‏حقوقنا‏.‏
معاق
‏*‏حتي‏ ‏لو‏ ‏المدارس‏ ‏بدأت‏ ‏مش‏ ‏هانودي‏ ‏ولادنا‏..‏نطمن‏ ‏عليهم‏ ‏إزاي‏ ‏وهما‏ ‏بيخرجوا‏ ‏الساعة‏ 6‏صباحا‏ ‏ومدارسهم‏ ‏بره‏ ‏الحي‏ ‏خالص‏.‏
ولي‏ ‏أمر
‏*‏لازم‏ ‏الموظفين‏ ‏والعاملين‏ ‏بالشركات‏ ‏الخاصة‏ ‏والعامة‏ ‏يوقفوا‏ ‏سيل‏ ‏الوقفات‏ ‏الاحتجاجية‏ ‏عشان‏ ‏دايرة‏ ‏العمل‏ ‏والإنتاج‏ ‏تشتغل‏ ‏ويستنوا‏ ‏ويشوفوا‏ ‏الدولة‏ ‏هاتعمل‏ ‏إيه‏.‏
باحث
‏*‏هو‏ ‏فين‏ ‏الشرطة‏ ‏لحد‏ ‏النهاردة‏ ‏مش‏ ‏شايفين‏ ‏حد‏ ‏غير‏ ‏بتوع‏ ‏المرور‏.‏
موظف