الشعب المصري…مهموم بالأحداث…أو غافل عنها…لكنه الشارع المصري
*المطالب بتاعت الشعب عادلة ومشروعة, لكن طريقة التعبير مرفوضة وغير شرعية.
نائب سابق
*كان فيه نية مبيته لعمل ضحايا واستثمار الدم المصري لتحويل هدف المظاهرات لقلب نظام الحكم وعمل تونس ثانية.
كاتب
*لو كانت الحكومة سمعت لمطالبنا قبل كده, ماكناش شاركنا في المظاهرات.
موظف
*وزعوا علينا منشورات في مناطق زي المرج بتدعونا للمظاهرات لتحقيق أحلامنا في عيشة كريمة وحرية وغيرها.
مندوب مبيعات
*لميت البضاعة وجريت لحسن كان فيه ناس ناوية علي خرابها.
بائع متجول في وسط القاهرة
*اللي عاوزين خير البلد إزاي يكسروا البلد ويحرضوا علي التخريب!!
موجه علي المعاش
*الأمن كان حكيما جدا في التعامل مع المتظاهرين, عشان مايعلموش من أي حد شهيد والدنيا تقوم زي تونس, وده يحسب للأمن.
إعلامية
*احنا في طريقنا للديموقراطية والحرية وخطوة بخطوة هانوصل للي عاوزينه…لزومه إيه كل ده.
رئيس تحرير جريدة يومية
*للأسف إسكندرية كانت عروس البحر المتوسط…النهاردة بقت أرملة البحر المتوسط!!
كاتب
*المتهم في أحداث إسكندرية فيه زيه كثير في الأحياء الشعبية والعشوائية بالذات يدوروا عليهم قبل حادثة جديدة.
محامية
*البطالة وراء كل البلاوي اللي بتحصل والمظاهرات اللي بتقوم.
صحفية
*أكيد فيه دروس مستفادة من اللي حصل في تونس, يدوا فرصة للحكومة تعيد ترتيب أوراقها.
محامي
*جوزي جزمجي بيأخذ 400 جنيه في الشهر منهم 250 جنيه إيجار نعيش إزاي بالباقي!!
ربة منزل
*لولا أولادي كنت شاركت في المظاهرات…وليه لأ…ما نطالبش بحقوقنا ليه.
ربة منزل ليسانس حقوق
*الدنيا كانتملبشةفي وسط البلد…لكن الشرطة كانت بتتعامل بطريقة محترمة جدا ما بيأذوش حد.
سائق تاكسي