الشارع‏ ‏المصري‏ ‏يقول

الشعب‏ ‏المصري‏.. ‏مهموم‏ ‏بالأحداث‏.. ‏أو‏ ‏غافل‏ ‏عنها‏.. ‏لكنه‏ ‏الشارع‏ ‏المصري
‏* ‏أزمة‏ ‏في‏ ‏البنزين‏ ‏والسولار‏ ‏يعني‏ ‏هيزيد‏ ‏سعره‏ ‏يعني‏ ‏المواصلات‏ ‏هتغلي‏, ‏يعني‏ ‏الأكل‏ ‏هيغلي‏, ‏يعني‏ ‏الغالي‏ ‏هيغلي‏ ‏زيادة‏ ‏والله‏ ‏يعوض‏ ‏عليها‏ ‏بلد‏.‏
سائق‏ ‏تاكسي
‏* ‏عشان‏ ‏يحافظوا‏ ‏علي‏ ‏الميه‏.. ‏يستوردوا‏ ‏الرز‏.. ‏والرز‏ ‏سعره‏ ‏يغلي‏, ‏والله‏ ‏الضرب‏ ‏في‏ ‏الميت‏ ‏حرام‏.. ‏ويقولوا‏ ‏بلدنا‏ ‏بتتقدم‏ ‏بينا‏ ‏طب‏ ‏إزاي‏ ‏بالله‏ ‏عليكم‏!!.‏
موظف‏ ‏قطاع‏ ‏عام
‏* ‏قالك‏ ‏هيزودوا‏ ‏ضريبة‏ ‏علي‏ ‏الأسمنت‏ ‏والحديد‏ ‏يعني‏ ‏أسعار‏ ‏البناء‏ ‏هترتفع‏ ‏والشقق‏ ‏هتغلي‏ ‏يبقي‏ ‏محدش‏ ‏يلوم‏ ‏أصحاب‏ ‏العمارات‏ ‏والملاك‏ ‏علي‏ ‏زيادة‏ ‏أسعار‏ ‏الشقق‏.‏
مقاول
‏* ‏أحلي‏ ‏حاجة‏ ‏سمعنا‏ ‏عنها‏ ‏في‏ ‏زيادة‏ ‏الأسعار‏.. ‏هي‏ ‏ارتفاع‏ ‏سعر‏ ‏السجاير‏.. ‏خلي‏ ‏الناس‏ ‏ترشد‏ ‏فلوسها‏ ‏شوية‏.‏
صاحب‏ ‏محل‏ ‏بقالة‏ ‏بحي‏ ‏شعبي
‏* ‏طب‏ ‏وبعد‏ ‏كل‏ ‏الزيادات‏ ‏دي‏.. ‏هيكون‏ ‏فيه‏ ‏زيادة‏ ‏في‏ ‏المرتبات‏ ‏في‏ ‏يوليو‏ ‏ولا‏ ‏الناس‏ ‏تمشي‏ ‏تكلم‏ ‏نفسها‏.‏
موظف‏ ‏قطاع‏ ‏خاص
‏* ‏ياللا‏ ‏خلي‏ ‏الجرايم‏ ‏تزيد‏ ‏والمرضي‏ ‏النفسيين‏ ‏يزيدوا‏ ‏وبدل‏ ‏ما‏ ‏يقولوا‏ ‏في‏ ‏كل‏ ‏جريمة‏ ‏عامل‏ ‏ولا‏ ‏عاطل‏ ‏ولا‏.. ‏ولا‏.. ‏يقولوا‏ ‏علي‏ ‏طول‏ ‏مختل‏ ‏عقليا‏ ‏قتل‏ ‏أو‏ ‏سرق‏ ‏أو‏ ‏اغتصب‏ ‏أو‏…‏
طبيب
‏* ‏لحد‏ ‏إمتي‏ ‏يا‏ ‏حكومة‏ ‏حوادث‏ ‏الطرق‏ ‏والضحايا‏ ‏بالعشرات؟‏!.‏
إعلامي
‏* ‏كل‏ ‏زيادة‏ ‏تيجي‏ ‏لينا‏ ‏يعلوا‏ ‏اشتراكات‏ ‏التأمينات‏ ‏وصندوق‏ ‏الزمالة‏ ‏والتكافل‏ ‏وغيرها‏..‏
موظف‏ ‏بهيئة‏ ‏النقل‏ ‏العام
‏* ‏لازم‏ ‏رئيس‏ ‏النيابة‏ ‏يتحاسب‏ ‏زي‏ ‏المحامي‏ ‏طالما‏ ‏الاثنين‏ ‏غلطوا‏.. ‏فين‏ ‏المساواة‏ ‏وفين‏ ‏حق‏ ‏المحامي‏ ‏وهيبته؟‏!.‏
محامية
‏* ‏ما‏ ‏هم‏ ‏لازم‏ ‏يضحوا‏ ‏بالمواطنين‏ ‏عشان‏ ‏الحكومة‏ ‏تعيش‏.‏
بائع‏ ‏متجول
‏* * ‏تعليقا‏ ‏علي‏ ‏زيادة‏ ‏الأسعار
‏* ‏أي‏ ‏انهيار‏ ‏عقار‏ ‏يبقي‏ ‏عيب‏ ‏قوي‏ ‏في‏ ‏حق‏ ‏الحي‏ ‏المسئول‏.‏
مهندس
‏* ‏أهم‏ ‏قالوا‏ ‏هيقفلوا‏ ‏محلات‏ ‏الطيور‏ ‏الحية‏.. ‏والناس‏ ‏شغالة‏ ‏زي‏ ‏الفل‏ ‏وفاتحة‏ ‏محلاتها‏.‏
صاحب‏ ‏محل‏ ‏بيض