الشارع‏ ‏المصري‏ ‏يقول

الشعب‏ ‏المصري‏ .. ‏مهموم‏ ‏بالأحداث‏ .. ‏أو‏ ‏غافل‏ ‏عنها‏ .. ‏لكنه‏ ‏الشارع‏ ‏المصري
‏* ‏من‏ ‏كام‏ ‏شهر‏ ‏كنا‏ ‏بنقول‏ ‏اللحمة‏ ‏سعرها‏ ‏نار‏ ‏أمال‏ ‏دلوقتي‏ ‏نقول‏ ‏إيه‏!! ‏يعني‏ ‏الدولة‏ ‏مش‏ ‏عارفة‏ ‏تدعم‏ ‏سعر‏ ‏اللحمة؟‏!.‏
موظف
‏* ‏لو‏ ‏حتي‏ ‏الخضار‏ ‏كويس‏ ‏مش‏ ‏مرشوش‏ ‏مبيدات‏ ‏كنا‏ ‏ناكل‏ ‏خضار‏ ‏أهو‏ ‏يغذي‏… ‏لكن‏ ‏لا‏ ‏خضار‏ ‏ولا‏ ‏فراخ‏ ‏ولا‏ ‏حتي‏ ‏اللحمة‏ ‏حلم‏ ‏الغلابة‏ ‏إللي‏ ‏زينا‏.‏
عامل‏ ‏بلدية
‏* ‏والله‏ ‏أنا‏ ‏مستغرب‏… ‏كل‏ ‏يوم‏ ‏يكتشفوا‏ ‏بترول‏ ‏علي‏ ‏غاز‏ ‏وكل‏ ‏شوية‏ ‏أزمة‏ ‏بوتاجاز‏ ‏علي‏ ‏سولار‏ ‏علي‏.. ‏علي‏..!!!.‏
سائق‏ ‏تاكسي
‏* ‏بنقف‏ ‏طوابير‏ ‏بالأمتار‏ ‏والآخر‏ ‏يقولوا‏ ‏السولار‏ ‏خلص‏… ‏طب‏ ‏نعمل‏ ‏إيه‏ ‏ومين‏ ‏يعوضنا‏ ‏عن‏ ‏الوقت‏ ‏الضايع؟‏.‏
سائق‏ ‏نقل
‏* ‏ساكنين‏ ‏في‏ ‏أوضة‏ ‏وصالة‏ ‏وعاوزين‏ ‏يطلعونا‏ ‏منها‏ ‏عشان‏ ‏المترو‏… ‏يسكنوا‏ ‏المترو‏ ‏ويطردونا‏ ‏إحنا؟‏!.‏
سيدة‏ ‏من‏ ‏طرة
‏* * ‏تعليقا‏ ‏علي‏ ‏قرار‏ ‏إخلاء‏ ‏حوالي‏ 60 ‏منزلا‏ ‏بسبب‏ ‏مترو‏ ‏الأنفاق‏ ‏في‏ ‏طرة‏.‏
‏* ‏قبل‏ ‏ما‏ ‏يبدأوا‏ ‏المشروع‏ ‏يسكنونا‏ ‏ويريحونا‏ ‏الأول‏ ‏وبعدين‏ ‏يبدأوا‏ ‏مشروعهم‏.‏
ساكن‏ ‏بطرة
‏*  ‏لينا‏ ‏طلبات‏ ‏زينا‏ ‏زي‏ ‏الدكاتره‏… ‏ما‏ ‏هو‏ ‏من‏ ‏غيرنا‏ ‏الدكتور‏ ‏لوحده‏ ‏مش‏ ‏كفاية‏ ‏ولا‏ ‏إحنا‏ ‏درجة‏ ‏ثالثة‏!!.‏
ممرضة
‏* ‏لما‏ ‏بيقولوا‏ ‏الدعم‏ ‏يوصل‏ ‏لمستحقيه‏ ‏فبالأولي‏ ‏العلاج‏ ‏يوصل‏ ‏لمستحقيه‏.‏
إعلامي
‏* ‏لما‏ ‏مش‏ ‏بيصرفولنا‏ ‏البدلات‏ ‏والعلاوات‏ ‏إلا‏ ‏بطلوع‏ ‏الروح‏ ‏ها‏ ‏يصرفوا‏ ‏إعانة‏ ‏بطالة‏ ‏للعاطلين‏ ‏إزاي‏!!.‏
موظف‏ ‏قطاع‏ ‏عام
‏* ‏وإحنا‏ ‏إيه‏ ‏إللي‏ ‏يضمن‏ ‏لنا‏ ‏إن‏ ‏مدير‏ ‏المستشفي‏ ‏هايساعدنا‏ ‏ومش‏ ‏هايعمل‏ ‏حساب‏ ‏الوساطة‏ ‏وغيرها‏.‏
محاسب
‏* * ‏تعليقا‏ ‏علي‏ ‏قرار‏ ‏العلاج‏ ‏علي‏ ‏نفقة‏ ‏الدولة‏ ‏عن‏ ‏طريق‏ ‏مدير‏ ‏المستشفي‏ ‏الذي‏ ‏يحدد‏ ‏العلاج‏ ‏من‏ ‏عدمه‏.‏
‏* ‏عملت‏ ‏عملية‏ ‏الفتاء‏ ‏من‏ ‏سنتين‏ ‏لقيتهم‏ ‏سرقوا‏ ‏الكلية‏ ‏بتاعتي‏… ‏فيه‏ ‏فساد‏ ‏وقلة‏ ‏شعور‏ ‏بالأمان‏ ‏أكثر‏ ‏من‏ ‏كدة‏… ‏حسبنا‏ ‏الله‏ ‏ونعم‏ ‏الوكيل‏.‏
عامل
‏* ‏المرأة‏ ‏قاضية‏ ‏مش‏ ‏قاضية‏… ‏هاتعمل‏ ‏إيه‏ ‏في‏ ‏مجتمع‏ ‏ذكوري‏ ‏ونصه‏ ‏بينادي‏ ‏بإن‏ ‏النساء‏ ‏ناقصات‏ ‏عقل‏ ‏ودين‏ ‏بمعناها‏ ‏السلبي‏.‏
محام