:
الشعب المصري…مهموم بالأحداث….أو غافل عنها…لكنه الشارع المصري.
*الإضراب إللي حصل يوم6أبريل,بيدل علي إن الشعب كله بيعاني من نار الغلاء,ياريت الدولة تسمع قبل ما الناس تنفجر من ضيق المعيشة.
موظفة
*إحنا بنشعر إن مناطقنا مفصولة عن مصر,لا نعرف حاجة عن إضرابات ولا اعتصام,يوم الأحد إللي الفات كان بالنسبة لنا عادي جدا جدا.
مواطن من حي عشوائي
*لو كان إضراب يوم 6أبريل ما عملش حاجة,لكن يعتبر ثقافة جديدة علي شعبنا.
صيدلي
*كيلو الفراخ البلدي وصل 16جنيه,طب اشتري فرخة وخضارها بكام لأسرة 5أفراد؟!
سيدة من حي شعبي
*أنا ما بقتش عارف أنا أهلاوي ولا زملكاوي,كل اللعيبة اللي بحبهم بيغيروا النادي لتاعهم…أرجوكي عاوز إمضائي يكونزمهلاوي.
مشجع محتار
*اشتريت مشتروات كثيرة لبنتي العروسة طب أشيلها علي إيدي!!لأني مش لاقية عربية نص نقل والتاكسي مش هيرضي بالحمولة دي كلها!!
سيدة أمام منطقة حمام الثلاث
*لما الدولة تفكر في حل أزمة…تفكر الأول في الأزمة اللي هتحصل للمتضررين وإزاي تحلهالهم وتوجدلهم البديل.
سائق نقل
*هي الضرائب هيفرضوها علي إيه ولا إية….علي العيش اللي مش لاقينيه ولا المواصلات اللي مافيش فيها رقابة,ولا الصرف الصحي ولا الميه ولا المحليات اللي ما بتعملش حاجة!!
مواطن مهموم
*يعني إيه ضرائب؟…أنا راجل غلبان يا بوي…يدفعوني ضرائب علي إيه…طب هما إدوني إيه الأول.
ماسح أحذية
*حاجة مرعبة إننا نسمع عن حرائق أو انقطاع النور في المستشفيات..يارب محدش يمرض في بلدنا أبدا.
محاسب
*يوميةجوزي10جنيه وأنا4جنيه ومعانا3أولاد في مدارس,حلفتكم بالله قسموهم معايا علي الأكل والإيجار والمدارس و….و…..!!!
عاملة في دور حضانة