* رجعت بضاعة كثيرة لأنها جاية غالية, والزباين بتتخانق معانا وكأننا السبب في رفع السعر.
صاحب سوبر ماركت
* يا جماعة من المسئول عن رفع السعر لكل حاجة؟ ولا حد هيرد علينا.
موظف
* سعر هياكل الفراخ وصل 7 جنيه للكيلو.. طب أطبخ إيه بقي؟!
سيدة علي باب الله
* عاوزين حكيم يغني نار نار نار.. لارتفاع الأسعار.. وجيوبنا إللي اتكوت بالنار.
شاعر مبتدئ
* لو كل واحد فينا قاطع السلع لمدة يومين؟ المذنب هيتراجع عن رفع السعر وهنخلص من مشكلة ارتفاع الأسعار.
صحفي
* طب الكهرباء سعرها زاد ليه؟ والميه اللي معروفة ملوثة فاتورتها زادت ليه؟ ليه.. ليه…؟!!
باحثة
* إحنا عاوزين جمعية حماية المستهلك تتحرك الأول معانا لمواجهة الأسعار وبعدين تشوف الغش التجاري.
محامي
* أنا ببقي موجودة كل يوم قدام فرن العيش من الساعة 2.30 منتصف الليل عشان ألحق أخد بجنيه عيش وإللي مش مصدقني ييجي يشوف بنفسه.
سيدة من القليوبية
* طالما مافيش حالات اضررت من العلاج بالأوزون عاوزين يلغوه ليه؟
طبيب
* ماكانش العشم يا حضري.. يا سد مصر أمام الوحوش.
مشجع لكرة قدم
* علي فكرة عصام الحضري من حقه يشوف مستقبله.
مشجع آخر
* بيفاجأونا بزيادة المصروفات في وسط العام الدراسي هل ده يصح!!
طالبة دراسات عليا
* المراجع غالية جدا + زيادة المصروفات, هي عملية استثمارية ولا بيعدوا أساتذة جامعة للمستقبل!!
طالب دراسات عليا