الشعب المصري..مهموم بالأحداث…أو غافل عنها…لكنه الشارع المصري
0 إيه ذنبنا يشيلوا الأدوار بتاعتنا,إحنا حطينا تحويشة عمرنا في الشقق دي والآخر يحكموا علينا بالطرد؟
مواطن من مصر الجديدة
0 تطبيق القانون شيء مهم,لكن إيه ذنب الناس في وسط هذه القوانين في عدم إيجاد بديل للشقق بتاعتهم.
مراسل
0 لما بيهتموا بأحياء مصر الجديدة والعمارات المهددة بالانهيار,أمال في العشوائيات هيزيلوا إيه ولا إيه؟
صاحب محل
0 الإ علام بيسلط الضوء علي بعض المناطق اللي بتنفجر فيها أنابيب الغاز لكن فيه كل يوم حوادث بالعشرات محدش يعرف عنها حاجة.
محاسب.
0 لما الأطباء بيتظاهروا عشان مرتباتهم واسمهم أطباء-أمال العمال والموظفين المطحونين يعملوا إيه؟
موظف
0 لسه لحد النهاردة فيه شباب بتسافر بطرق غير شرعية رغم إن فيه عصابات تم القبض عليها!!
خريج
0 أهو فات سنتين علي حادثة العبارة ,عملوا إيه,عوضوا الناس عن أهاليهم ولا عاقبوا المجرمين؟!
محاسبة
0 لا وزارة المالية راضية تنظرلنا,ولا الحكومة راضية تحسن أوضاعنا..هنفضل معتصمين لأن ما بيدنا حيلة.
موظفة في شركة عامة.
0 بدل ما كل النوادي تتحد عشان تشجيع المنتخب ,الأهلي والزمالك رايحين يقطعوا في بعض..
مشجع كرة قدم
0 رغم إنفلونزا الطيور,إلا إن تسعيرة كيلو الفراخ بتيجي لنا غالية,إحنا مالناش ذنب.
سصاحب محل طيور.
0 نار يادهب..يادهب نار..وعننا ماخطبنا.
شاب