الشعب المصري… مهموم بالأحداث… أوغافل عنها… لكنه الشارع المصري
* استلمنا الكتب لولادنا وهنقعدهم في البيت ونذاكرلهم إحنا, لحد ما أزمة الوباء تعدي علي خير.
ولي أمر بالقاهرة
* لما وزير التعليم يقرر زيارة أي مدرسة. بلاش يعرف المسئولين فيها ويشوفها علي الطبيعة, وياريت تكون مدرسة في حتة عشوائية.
مدرس
** تعليقا علي زيارة الوزير لمدرسة بالإسكندرية واستعدادات هذه المدرسة من وجود كمامات للطلبة ونظافة أيضا.
* أغلب المدارس محاطة بأسوار من القمامة والميه مقطوعة فيها علي طول يبقي هايوعونا بطرق النظافة إزاي.
طالبة من دمياط
* هما مستنيين إيه! لما حالات إنفلونزا الخنازير تظهر أكثر؟!, ما يلغوا الترم وخلاص.
ولي أمر بالقليوبية
* ليه أسعار السكر في ارتفاع مستمر… إيه… هيصدروه زي ما يصدروا البطاطس.
ربة منزل بالقاهرة
* دلوقتي أسعار العصائر والحلويات هتزيد طبعا علشان طبعا السكر غلي!!!.
موظف
* وكمان سعر المياه الغازية ارتفع لأن تصنيعها مرتبط بالسكر طبعا.
صاحب سوبر ماركت
* أكثر حاجة طلعنا بيها من إنفلونزا الخنازير هي اتجاه وزارة التعليم لإصلاح التعليم في مصر.
مذيعة
* سبحان الله واحد يقبض ملايين والتاني يقبض ملاليم هي دي الدنيا.
موظف قطاع عام
* ربنا يكفينا شر الإنفلونزا ودخول أي مستشفي حكومي.
نجار