الشعب المصري..مهموم بالأحداث..أو غافل عنها..لكنه الشارع المصري
* إحنا فعلا بنتخنق من برامج التحليلات بتاعت كرة القدم خصوصا أيام الدورات الأفريقية والعربية..بيفقدونا هيبة الماتش وحلاوته.
مشجع متغاظ جدا
* لما الحوادث عندنا بالكيلو في الأيام العادية,أمال في أيام المطر والشبورة بقد إيه؟!!
سائق تاكسي.
* سعر رغيف العيش إللي يتاكل بقي سياحي,لكن أبو شلن كفايا يستخدموه للماشية والطيور,ولاعشان أحياءنا شعبية؟
ربة منزل
* هي الناس للدرجة دي بقت ساذجة عشان تساعد أصحاب شركات توظيف الأموال علي النصب عليهم؟
محام.
* علي فكرة التوك توك بقي وسيلة أساسية ,زيه زي التاكسي والميكروباص ليه يشيلوه؟
مواطن من الجيزة.
* يعيدوا تنظيمه بدل مايشيلوه خالص ويقطعوا رزق مئات السواقين.
سائق توك توك
* أنا من كتر ما سمعت عن انهيار العمارات,عاوز أبعت لبتوع الحي يطمنوا علي بيتي
صاحب عقار في حي شعبي
* في كل حاجة يخلوا الرجال في المقدمة,حقيقي بيشعرونا بالضعف..إزاي يخلو عربيات السيدات في نص القطر بدل ما كانت في أوله.
سيدة في مترو الأنفاق.