الشعب المصري.. مهموم بالأحداث.. أو غافل عنها.. لكنه الشارع المصري
* قرار التعليم الإجباري مهم جدا كان فين من زمان خلي العقول كلها تتنور في القرن الواحد والعشرين.
مدرس
* مش مهم التعليم الإجباري بقدر أهمية جدوي التعليم نفسه وفايدته مش مجرد تعليم والسلام.
إعلامية
* محدش يقنعني إن الفلوس في مصر قليلة.. إحنا عندنا فلوس كتيرة لكن المهم بتروح فين ولمين وبنعمل بيها إيه.
عالم
* كل فتنة طائفية يقولوا دي حادثة بسيطة وتم السيطرة علي الموقف.. لازم عقاب مديري الفتن الطائفية يكون كبير جدا لعدم تكرارها مرة ثانية.
محامي
* قانون المرور الجديد أكيد غير في سلوكيات المرور في الشارع المصري.
سائق ملاكي
* شكل كثير من ثمار الخضار والفاكهة بقي غير طبيعي يعني حجمها كبير قوي.. بالذمة فايدتها هتبقي طبيعية ولا دي حاجات مهجنة مش طبيعية.
موظفة
* طب والغلابة إللي في مصر والأكثر من الأغنياء.. يطعموا إزاي ضد إنفلونزا الخنازير وسمعنا إن التطعيم هيبقي سعره غالي.
عامل في مصنع
* لا يجوز إرغام الصحفي علي نقله من مكان لآخر سواء مقر عمله أو مكان مراسلته للجريدة.
صحفي
* مش واخدين حقوقنا.. لا بدلات عدوي ولا أي حاجة.
سائق نقل عام
* طب وإحنا ذنبنا إيه السائقين يضربوا عن العمل ما يدوهم حقوقهم عشان يدونا حقوقنا.
موظف
* شالوا طلمبات الميه وبنتبهدل في أخذ الميه من الفناطيس إللي بعتينها لينا.. لازم يكون فيه ميه عندنا بشكل مستمر.
مواطن من قرية البرادعة بالقليوبية