الشعب المصري… مهموم بالأحداث… أو غافل عنها… لكنه الشارع المصري.
* قرار المحكمة كان جرئ وهدفه الحفاظ علي سلام المجتمع…فيحيا العدل.
محامية
** تعليقا علي حكم المحكمة بإعدام عشرة متهمين باغتصاب سيدة.
* محدش أخطرنا إن ممنوع البنات تلبس حلقان دهب في المدرسة..فين مجلس الأمناء إللي بيقولوا عليه؟!.
ولي أمر التلميذة القتيلة بالمنيا
** تعليقا علي مقتل تلميذة علي أيدي عامل بإحدي مدارس المنيا.
* كان فين مشرفين الدور الثالث والرابع والخامس عشان العامل يستدرج التلميذة للدور الخامس وينفذ جريمته!!!.
ولي أمر تلميذة أخري
* مشكلة الصحف القومية والحزبية إن مجلس الإدارة هو الحاكم بأمره ولا منازع!!.
صحفي
* سألتزم بالعمل في مؤسستي الإعلامية طالما بتكفيني ماديا ومعنويا.
صحفي آخر
* عاوزين قرار لفصل فاتورة القمامة عن الكهرباء عشان جامعي القمامة يرجعوا يلموا الأكياس من قدام الشقق مش يبقوا بشوات يمروا في الشوارع مرور الكرام وخلاص.
سيدة من القليوبية
* نجيب منين آلافات ندفعها بعد المعاش للشقق إللي وفرتها لنا الشركة أثناء عملنا بيها؟!.
عامل في غزل المحلة
* هو إللي يتحال علي المعاش خلاص مالهوش لازمة..حتي السكن يستخسروه فيه..طب وإللي معندوش بديل يروح فين؟!.
عامل آخر
* برامج تحليل الكورةخنقةمش بتفيد في حاجة..كفاية متعة الماتش نفسه..وكفايةرغيبقي.
محاسب
* برامج التوك شو أشعرت المشاهد إن له صوت وإنه جزء من المجتمع.
خبير إعلامي
* تقدم الشعوب بتتقاس بتقدمها العلمي..فين الهيئات العلمية إللي في بلدنا؟!.
مدرس كيمياء