الشعب المصري…مهموم بالأحداث…أو غافل عنها…لكنه الشارع المصري
*كام مليون مصري عاوز يسافر بره البلد….وليه…ولحد امتي؟!طبعا الإجابة معروفة.
كاتب
*فيه دعوات أو عقود سفر مزيفة لليبيا وغيرها من الدول…خلوا بالكم ومحدش يصدق أي حاجة ولازم تتأكدوا الأول.
إعلامي
*لما النهارده بتوع الشرطة بيتظاهروا…مين هيتف يأمن مظاهراتهم؟
محاسب
*المشوار أبو نص ساعة بناخده في ساعة ونصف بسبب الزحمة والإشارات.
سائق تاكسي
*إحنا كنا بنسهر نحرس العمارات وإحنا بايتين في قلب الشارع…دلوقتي كل واحد قافل علي نفسه وبيقول يارب استرها من البلطجية.
حارس عقار بالقليوبية
*ياخسارة يا مصر…كانت رمز للأمان..دلوقتي فين الكلام ده؟
موظف علي المعاش
*لازم الأحزاب تشد شويه عشان تقدر تدخل ماراثون الانتخابات بقوة.
عضو في حزب جديد
*قالوا كذا مرة هيجمعونا في مكان واحد قريب من وسط البلد ومحدش نفذ حاجة.
بائع متجول
*هما عملوا إيه في قضية ماسبيرو؟!
مدرسة
*وعملوا إيه في أحداث القديسين وغيرها…؟
ربة منزل
*ليه ما يبقاش الاختيار في أي انتخابات للكفاءة وبلاش موضوع تياره إيه…نقول شاطر وهايجيب حقوقنا ولالأ.
صحفي