الشعب المصري…مهموم بالأحداث…أو غافل عنها….لكنه الشارع المصري
* رغم أن التوك توك مسموح بيه في القليوبية,لكن في الغالب بيسوقه أطفال وبيمثل خطورة طبعا علي الراكب والسائق.
”مواطن من القليوبية”
* يسحبوا التوك توك ليه ما دام وسيلة مريحة وبيوصل الناس لأماكنها؟!
”صحفي”
* لما الدولة عايزه تصادر التوك توك سمحت بدخوله ليه من الأول أو ما نظمتش العمل بيه.
”سائق توك توك”
* بيقولوا رفع الدعم هتتحمل تكاليفه الحكومة,وبعد كده نتفاجئ أن سعر الرغيف وغيره من السلع ارتفع.
”محاسب”
* مافيش خراب هيحصل في البلد,إلا ارتفاع سعر الرغيف إللي هيخلي الناس تاكل في بعضها.
”ربة منزل”
* هل امتداد المظاهرات للقطاع الخاص نوع من الديموقراطية الحقيقية إللي إحنا في الطريق إليها؟
”شاعر مبتدئ”
* بيقولوا هيخلوا القضاة زيهم زي الموظفين,هما عملوا إيه علشان يعاقبوهم!!
”سائق تاكسي”
* اعتدنا أن القضاة ليهم مهابتهم واستقلاليتهم,إللي بيحصل ده هيقلل من نظرتنا لعدالة القضاء ونزاهته.
”موظف”
* كل شوية أسلاك الكهرباء الدايبة تقع علي كبار وصغار ويروحوا ضحبة الإهمال…محدش جدد الأسلاك المتهالكة دي من سنين طويلة.
”مواطن من المنوفية”
* لما الأنبوبة تبقي بأكثر من 20جنيه يبقي كيلو اللحمة بكام؟هما بيعقدوا الشباب من الجواز ولا إيه؟
”فتاة مخطوبة”
* إحنا نرجع لعصر ”البابور” أحسن من شيل هم شرا بوتاجاز وأنبوبة غاز.
”عامل”