الشعب المصري.. مهموم بالأحداث.. أو غافل عنها.. لكنه الشارع المصري
* الناس بتدور علي العيش أبو شلن… حاتشتري كيلو اللحمة بأربعين وخمسين جنيه…إزاي!!!.
بائع كبدة
* عايزين المؤتمرات تترجم علي أرض الواقع مش كلام داخل القاعات المكيفة وخلاص.
إعلامي
* لازم الحكومة تتعامل مع القرصنة بشكل جزري تعاطفا مع كرامة حكومة وكرامة مواطن.
مذيعة
* ليه خمسة مليون لمبة بس طرحتها وزارة الكهرباء… طب ما توفرها للناس كلها!!!.
كهربائي
* بطلوا بقي حكاية مسيحي ومسلم وبناء جامع وكنيسة… الدين لله يا كل المؤمنين.
صاحب مقهي
* لو اتسابت اللحمة البتلو تكبر وتبقي كندوز حايبقي عندنا اكتفاء ذاتي من اللحمة والسعر هاينزل.
جزار
* رغم ارتباطنا بالموالد من زمان لكن الدنيا مش حايجري فيها حاجة لو اتلغت السنة دي للصالح العام والحد من انتشار إنفلونزا الخنازير.
محاسب
* هأبدأ الدروس الخصوصية في نص أغسطس والحمد لله أني لقيت مكان لي قبل ما المجموعات تتقفل.
طالبة في ثانوي عام
* عاوزين الجمعيات التعاونية ترجع تاني بشكل جديد ومنظم وفيه رقابة شديدة عشان محدودي الدخل إللي زينا.
موظفة
* لما يعملولنا أكشاك في أماكن بعيدة,الزباين هاتجيلنا إزاي وهانبيع لمين؟.
بائع متجول
فيه شوية أفارقة مش سايبينا في حالنا.
ساكن بمدينة نصر