كلمة من حرفين بس كل حرف فيهم بيحمل معاني وحروف وكلمات العالم كله..
حب..
يعني إحساس ومشاعر ودفء وصدق وأمان..
حب..
يعني نفوس صافية وقلوب دافية وعيون مليها الحنان..
حب..
يعني فرح يعني ضحكة من القلب..
حب..
يعني رضا وسعادة تملى الروح قبل الوش..
حب يعني دنيا… يعني حياة.. ومش أي حياة..
حياة حابب كل حاجه فيها
حب حياتك هتحب كل اللي فيها مهما كان هو أيه.. عارفين ليه..
لأن الإحساس بالحب ده شئ جميل أووي..
وبيدينا طاقة وأروع شعور ممكن تشعر به في الكون..
حبنا لربنا.. أجمل وأعمق وأصدق حب ومنه بيجي كل حب بعد كده..
مش بس الحب للحبيب لا ابدا يمكن يكون ده أضعف حب لو مكنش صادق ومن القلب..
الحب لكل شئ حوالينا.. الحب لأهلنا .. لأصحابنا.. لأحببنا.. الحب لبيتنا لشارعنا.. لجيرانا.. الحب لكل مكان عيشنا واتربينا فيه وساب جوانا ذكريات بكل أنواعها..
الحب لذكرياتنا واحنا صغيرين.. لنشيد المدرسة.. لمدرس.. لمدرسه..
الحب للحاجات اللي نملكها.. ملابسنا.. كتبنا.. لأكله بنحبها.. حتى المج اللي بنشرب فيه قهوتنا..
الحب لنسمة هوا بنتنفسها بعمق .. الحب لأغنية مرتبطه معانا بذكريات..
الحب مش مرتبط بس بأشخاص.. الحب مرتبط بينا إحنا وبأحساسنا لكل شئ حوالينا.
الحب بيدينا أجمل احساس ممكن نشعر به.. إحساس بالرضا.. بالقناعة.. بالراحة.. بالهدوء.. بالأحتواء.. بالأمان.. بالحرية..
ياه الحب ده نعمة من عند ربنا لما بيرزقنا به وبيزرعه في قلوبنا..
بجد الدنيا بتتغير ونظرتنا لكل شئ فيها بيتغير وإحساسنا بكل حاجه بيتغير.. حتى طريقة تفكرنا وبسمتنا وكلامنا .. ملامح وشوشنا ونظرات عيونا.. كله بيتغير..
شوفتوا إزاي كلمة من حرفين بس فيهم معاني وإحاسيس الدنيا والعالم كله..
ربي يرزقنا وإياكم تلك النعمة ولا حرمنا الله ابدااا من وجودها جوانا ولا بمتعة الإحساس بيها..
أصدقائي وأحبابي.. عيشوا الحب..