مازالت أصداء لقاء لاعب الزمالك الجديد ناصر ماهر مع الإعلامي الرياضي مهيب عبد الهادؤ تتصدر مواقع السوشيال ميديا ، والذي يرى الكثيرون أن لاعب فيوتشر والأهلي السابق يشتري ود جماهير الزمالك بطريقة خاطئة وهي اللعب على وتر الأهلي.
وردا على ذلك قال الإعلامى الرياضي إبراهيم عبد الجواد خلال برنامجه على قناة أون سبورت” استوقفني اكثر من نقطة في كلام ناصر ماهر خالفه التوفيق فيها أولها إن الأهلي مفهوش أساطير زي الزمالك اللي فية عبدالله السعيد وشيكابالا وعبد الشافي ..طب بالنسبة لـ محمد الشناوي ايه ظروفه !!.. حارس منتخب مصر الأول بقاله 6 سنوات وأكل الأخضر واليابس مع النادي الأهلي، وأحمد فتحي اللى مقفل اللعبة.
وأضاف اللي ملوش خير في أهله ملوش خير في حد، واللى ملوش خير في النادي اللى رباه عمره ما هيكون فيه خير في النادي المنتقل إليه.
الكلام ده يخليك تكسب عقول بعض الجماهير لبعض الوقت، لكن صدقني اللى يخليك تكسب حب واحترام جماهير الزمالك هو تعبك ومجهودك جوة الملعب وتحقيق البطولات ده اللى هيخليك في قلوبهم لابد الدهر.
لكن مهما تقول من قصف جبهات وتصريحات عنترية لو مستواك مش كويس الجماهير دي أول ناس هتطالب برحيلك عن الفريق”.