على الرغم من تعادل منتخب مصر مع موزمبيق أمس الا أن ذلك لا ينفى الأهمية الكبري للمنتخب الوطنى، وأنه من اقوى المرشحين للفوز ببطولة الأمم الأفريقية ، والدليل على ذلك حديث لاعب المغرب والمدير الفنى له عن المنتخب المصري.
وقال الإعلامى الرياضي محمد فارس:
انا قولت في أخر حلقة ان تصريح اوناحي مزعلنيش انت خرجتهم من كأس الأمم اللي فاتت وهما مرشح وعندك ٧ القاب والمغرب عندها لقب وحيد فاستدعاء اوناحي لمنتخب مصر تحديداً لانه شايفه مرشح وله تاريخ وهو اللي لما يتكلم عن منافس في البطولة يبقى يتكلم عليه.
انهاردة وليد الرجراجي المدير الفني للمغرب لما جه يتكلم عن فريق له تاريخ في البطولة وبيقول لازم نعمل زيه اتكلم عن منتخب مصر . بغض النظر بقى عن كلامهم صح ولا غلط عن اسلوب وطريقة لعب منتخب مصر في النهاية طريقة اللعب دي شيئ نسبي ومصر من ٢٠٠٦ ل ٢٠١٠ لعبت افضل كورة قدمها اي منتخب افريقي في تاريخ كل بطولات أمم أفريقيا.
فكلامهم بالنسبالي دليل انهم مركزين مع مصر وشايفينها المنتخب الأهم في البطولة واللي يتخاف منه . فاللي يزعل مش كلامهم اللي يزعل هل احنا أصلاً منتخبنا شايف نفسه كده ! . هل منتخبنا حاسس ان كل فرق البطولة عاملة له حساب وانه مرشح ! اللي شوفته في مباراة موزمبيق يقول ان في ناس كتير عارفة قيمة منتخبنا اكتر من ناس بتمثله.