فتح حسني عبد ربه نجم الدراويش السابق ومدير الكرة المُقال من منصبه النار على مجلس إدارة النادي الإسماعيلي، برئاسة المهندس يحيى الكومي بعد إقالته من منصبه.
وكان الإسماعيلي، قد أعلن إقالة حسني عبد ربه من منصبه بعد الخسارة أمام الأهلي بهدف نظيف في افتتاح مشوار الفريق في بطولة الدوري الممتاز.
وقال حسني :” المدير التنفيذي بلغني أن تم إقالتك وبس كده من غير أسباب ومن غير أي حاجة”.
وواصل :”بيتقال أن بسبب اللبس وشوية بسبب السهر ولكن أنا راجل الحمد لله أخلصت واتحملت كتير وده عشان خاطر جمهور الإسماعيلي والإسماعيلية“.
وأكمل :”اهل الإسماعيلية كانوا شايفين إن في فساد ولازم يتوقف الفساد ده، جالي مكالمات كتير أن لازم توافق على اللبس الجديد من شركة مش معروفة، مش أنا اللي هلبس اللعيبة هي اللي تختار وتحدد، لكن أنا مش بتاع سبوبة ومجلس الإدارة عاوز يمشي التعاقد مع شركه مش معروفة” .
وتابع :”أنا اتحملت حاجات كتير وبتحمل وهتحمل عشان الإسماعيلي اللي عمل اسمي، أنا مليش دعوة بحوار اللبس وهما مصورين للناس إن حسني هو اللي مسيطر على اللعيبة ومخليهم يرفضوا، دول بيقنعوا الناس إن حسني هو اللي صاحب الشركه التانية وعاوز يعمل سبوبه” .
وأردف :”هو ده اللي بيحصل في النادي والضحك على الجماهير لازم الناس تعرف ده” .
وأضاف :”أنا واثق إن قرار إقالتي النهارده ده ضغط على جاريدو علشان يمشي هو كمان الفتره اللي جاية، جمهور الإسماعيلي هيتحرق دمه الفتره اللي جايه”.
وأتم :”لما يبقى في حد واقف قصاد السبوبه يبقى لازم يمشي عشان المصلحة تمشي” .