تحدث قائد الزمالك ونجمه محمود عبد الرازق شيكابالا، عن مواجهه الهلال المرتقبه بكأس لوسيل غدا والتي ستقام في العاصمه القطريه الدوحه، كما وجه شيكابالا الشكر للجماهير البيضاء التي حضرت لإستقبال ودعم الفارس الأبيض.
وقال شيكابالا: ”بنشكر الجميع على الاستقبال ومبسوطين اننا هنا ، مبسوطين أن جمهورنا موجود بالعدد الغفير ده وبنقولهم أننا هنركز في الماتش عشان تروحوا مبسوطين“.
وأكمل :”إحنا لحد دلوقت مشفناش الملعب ولكن الاستقبال لحد دلوقت حافل جدا، نتمنى المباراة تبقى على قدر الحدث ولما ملعب زي ده يتواجد في بلد عربي ده فخر لينا وإن شاء الله تكون مباراه كويسة“.
وأكمل :”الهلال فريق كبير وبيتطور سنه عن سنة وبنشكر الجمهور إلى جالنا عند الفندق يشجعنا وإن شاء الله نكسبهم بكرة“.
وواصل :”من ١٥ سنة كنت عيل صغير ودلوقت أنا كابتن الفرقه ، كنت في منتخب الاولمبي وفالبطولة العربية وأكيد حصل تطور في البلد، إحنا كسبنا البطولة العربية وإن شاء الله نكسب بكره “.
وأتم :”فيريرا الفوز بيجري في عروقه وخلى لعيبته نفس التفكير وإحنا نازلين بكره نكسب ، حتى لو بنلعب ماتش ودي والماتشات دايما بين الزمالك و الهلال حتى لو وديه بيبقى الفريقين عاوزين يكسبوا وإن شاء الله بكره إحنا نكسب“.