اه مش هسيبك غير لما أخد بركة علشان انت يا رب اللي علمتنا كده
وعملت مع أبونا يعقوب لن اطلقك ان لم تباركنى، “تك 32: 26”
مش هسيبك غير لما اشكرك على السنة اللى عدت كانت كلها بركة بوجودك في حياتنا، حتى لو الظروف صعبه
حتى لو أحبائنا سافر السماء
حتى لو في وباء
حتى لو مفيش شغل والدنيا ضاقت علينا بس وجودك بيفرح ،وجودك فارق قوي في حياتنا
إستحملنا يا رب شويه ،طالبين منك كم طلب كده
إنك تخلي السنه اللي جايه كلها بركة منك تخليها سنة نقية نرضيك فيها .
تخليها سنة تحل فيها بروحك .
تشترك في العمل معنا وتمسك بايدينا ،تقود فكرنا لسماك، وحضنك .
تخلي السنه دي وكل سنه لك أنت وبس
أرجوك لا تسمح يا رب أن نلوث هذا العام بأي خطية
لنصمت يا رب وتعمل أنت في كل شيء.
وليكن عاماً كله فرح وسعاده بحبك لينا
ادخل يا رب بنعمتك في كل تجربة وايدنا معونة
اشفي المرضى واعطي رزق للمعوزين
والارامل والايتام اسندههم وارعاهم
أذكر كنيستك وشعبك وبلدنا
إجعله عاماً مملؤاً ثمراً مُفرح ونشكرك يا رب لأنك اقمتنا الى هذه الساعة لكي نبارك