تداول رواد مواقع التواصل الاجتماعي فيس بوك وتويتر الهاشتاج الأكثر تداولا على تويتر في مصر الآن وهو “ادعم منى فاروق”، وذلك بعد ظهور الفنانة بمقطع فيديو نشر على حسابها على إنستجرام، وهي تتحدث فيها عن مدى صعوبة حياتها، وذلك بعد خروجهما من السجن بعد قضية الفيديو الإباحي.
قالت منى فاروق: طول الوقت بتعامل انى منبوذه في المجتمع وحضرت إلى دبى عشان اشتغل أى حاجه مش شرط التمثيل أي شغل مش لاقيه فرصة بقالى شهر قعدة في البيت ولا حد عاوز يتعامل معايا و حصلى مشكلة زى أي حد فاهمة أنا غلطت وبعتذر .
واستشهدت “منى” بـ آية “من كان منكم بلا خطأ فليلقها بحجر”.
وتابعت، “مهما حاولت أعمل قوية أنا مش قوية كفاية إنى أعمل مش واخدة بالى طول الوقت، وأنا تعبت وعمالة أتعامل إن الموضوع عادى وهومش عادي، ومخنوقة أوي من شهر 2 لشهر 6 أنا برة الدنيا وعايشة ميتة، وكنت كل لما أنزل ويوم ما قالوا لي إني أخدت إخلاء سبيل أنا وقعت من طولي مش مصدقة بجد والنبي يا رب يكون الناس مبيضحكوش عليا وأخويا وأمي يشهدوا على ده”.
وقالت :”أنا عايزة أعيش بالحلال”، مشيرة إلى أن صناع الأعمال الفنية يخشون مساعدتها؛ حتى لا يتعرضون للهجوم.
واستطردت فى كلامها:” كل الناس بتضايقني وأنا بخاف أمشي في الشارع حد يضايقني ومحدش عايش الحياة اللي أنا عشتها، والحل إني أموت .
وقالت منى فاروق في الفيديو: “أنا آسفة للشعب المصري وأنا تعبانة من جوة قوي ومحدش عايز يديني فرصة ولا مخرج ولا ممثل ولا مطرب عاوزين يدوني فرصة في التمثيل”.
وأضافت خلال الفيديو: “أنا عايزة أعيش بسلام ومش عايزة حاجة وأنا أضعف بكتير من اللي حصل لي ومحدش مديني فرصة أعيش ولا أرجع أشتغل الشغل اللي كنت بشتغله وأنا غلطت وكلنا بنغلط وأنا كنت صغيرة قوي وانتوا بتتكلموا في حاجة من سنين ليه طلعت دلوقتي أنا معرفش وأنا مش زعلانة أنا بحمد ربنا إن كل ده حصلي وأنا صغيرة وإني أقولكم إن أنا غلطت”.
وفي نفس السياق فقد دعم النجم شريف منير الفنانة منى فاروق، وقال عبر حسابه على إنستجرام “منى فاروق ممثلة شاطرة وأكون سعيد لو اشتغلت معاها”، لتُقابل دعوة شريف منير إشادات كبيرة من متابعيه، كونه مد لها يد العون فى الوقت الذى أعلنت فيه عن احتياجها لذلك.
الجدير بالذكر أن محكمة جنايات القاهرة، قضت، في شهر يوليو الماضي، بـ إخلاء سبيل شيما الحاج، ومنى فاروق، بكفالة 100 ألف جنيه في اتهامهما بنشر فيديو فاضح.