كعادة تصريحاتها ببرنامجها “صبايا” قامت الإعلامية ريهام سعيد بإسلوب وصفه البعض بـ “الجارح” بمهاجمة أصحاب السمنة المفرطة ، حيث قالت في :”الناس التخينة ميتة، عبء على أهلها وعلى الدولة، وبيشوهوا المنظر”، وتابعت: “منظرك بيكون مش حلو وإنتي بالعباية أو الجلابية ومش قادرة تمشي، بتفقدي جزء من أنوثتك”.
وواصلت: “يعني وانتي ماشية كده بالإسدال ولا الجلابية ومش قادرة تمشي، وبتعرجي، علشان ركبك وجعاكي، وبتبقي عرقانة علشان عندك كمية السموم غير الطبيعية، فقدتي كل أنوثتك وضحكتك.. فقدتي كل حاجة”.
واجهت الإعلامية ريهام سعيد عاصفة من الهجوم، بعد تصريحاتها الأخيرة في حلقة الأربعاء الذي أثار ضدها رواد مواقع التواصل الإجتماعي فيس بوك، إذ هاجموها بتعليقاتهم على الفيديو المتداول للحلقة.
من جهة أخرى فقد نشرت الفنانة إنجي وجدان مقطع فيديو لها عبر قناتها على “يوتيوب” وقالت: “أنا عادة مبحبش أعمل فيديو ومبحبش أتكلم على حد ومبحبش أعمل مشاكل مع حد”.
وأضافت: “أنا لسه متفرجة على فيديو للإعلامية ريهام سعيد بتقول فيه إن التخان ميتين، وأنهم عبء على الدولة، وأن شكلهم وحش، وأنهم بيبقوا عرقانين عشان عندهم سموم ومش فاكرة إيه كمان”.
وتابعت: “أستاذة ريهام حضرتك كنتي عيانة أو عيانة أو معرفش، أنا واحدة تخينة ومعنديش كل المشاكل دي وغيري كتير، وكنت متعاطفة معاكي جدا لما أعلنتِ إصابتك بمرض نادر، وكنت بدعيلك، وناس كتير كانت ضدك وبقت بتدعيلك لما أعلنتي مرضك، فمش من صالحك إنك تضايقي الناس وتغلطي فيهم وتغلطي في شكلك.. أنا رياضية طول عمري، وتخنت، واتجوزت وجوزي رفيع وأُعجب بيَّ رغم أني تخينة، وخلي بالك في ناس مريضة وتخنت وفي ناس عندها مشكلة في الغدد، وفي ناس تخان ورياضيين وممكن يكونوا أحسن منك في الجيم، ومش من حقك تقولي التخان ميتين، أنا أهو عايشة وبمثل وبدي للناس أمل مش بكأبهُم، ودور الإنسان إنه يعطي للناس أمل، لكن لما تقولي لشخص تخين أنه ميت فأنتي كده بتقضي عليه تمامًا”.
وتابعت : “أنا لحد دلوقتي مش مستوعبة الكلام اللي أنتي قولتيه، وليه بنحكم على الناس بشكلهم دي تفاهة، وأنا بالنسبة لي شايفة أن دي تفاهة، وأنا أبقى تافهة لو بفكر بالنبي آدم اللي قدامي بشكله ولبسه”.
واختتمت قائلة : “يا ريت ناخد بالنا ومن فضلك خليكي في حالك”.
وفسرت ريهام، التصريحات التي تحدثت بها في برنامجها عبر حسابها الشخصي على “انستجرام”، قائلة: “قعدت أقرأ أخبار على جزئية الناس التخينة وهما شكلهم وحش ومشوهين المنظر، أنا قلت كده في سياق حديث معين”.
وتابعت: “دي حملة سمنة وهدفنا نعالج ناس ونقدم ريجيم لهم، وأنا مريضة سمنة وأعاني منها ومفوقتش غير لما الفنان محمود حميدة لما كنت بقدم معاه مسرحية وقالي كلمة جرحتني”.
أخبار ذلت صلة
“قومي المرأة” يشكو ريهام سعيد لـ”الأعلى للإعلام” بسبب حلقة “السمنة”