نشرت صفحة الأدهم، معلومة عن الفحم وأضرار وضعه وسط الطعام بعد إطفاءه بالزبد، جاء نصها :”بلاش تولعي فحمه للكفته وتطفيها بقطعة زبدة أو سمنة و زيت عشان تعطي طعم وريحة المشوي ع الفحم… كاااااارثة مصيبة، مستشفى ٥٧٣٥٧ للأطفال حذرت منها في آخر توصيات لها…
لأنك ببساطة بتشبعي الأكل بكل الغازات الضارة والسامة والكربون اللي طالع من الفحمة قد يتسبب في سرطان دم ومعدة”.
وابعت :”أيضاً معلومة لا تضعي الحبة السوداء (حبة البركة) في المعجنات بدليها بالسمسم في المعجنات.. وبعد السوا ابقي رشيها؛ السبب إن الحبة السوداء تصبح ضارة بعد تعرضها للحرارة، بينما السمسم لا يفقد قيمته مع الحرارة”.
وعلى الرغم من أن المعلومة على سبيل النصح إلا أنها لاقت جدلًا واسعًا عبر صفحة الأهدم.
أكدت ريم المعلومة نحيث أنها طالبة بكلية الطب :”دا حقيقي إحنا بندرس كدا في الطب إن خطر جدا توليع الفحم وسط الأكل دا، حتى في الشواء لازم الفحم يكون ملتهب زي الجمر مش أسود و مجرد بيطلع حرارة لأنه كدا بيكون ضار جدا، لازم يكون ملتهب زي الجمر الشوي عادي مش مضر لكن يكون الفحم ملتهب زي الجمر”.
وعبرت بسمة عن غضبها من المنشور، قائلة :”والنبي تبطلو فتي شوية يطلعو يقولو الممبار بيجيب سرطان والشاي أبو لبن بيجيب تخلف عقلي باين، والملوخية لو باتت في التلاجة تتحول لديدان أهم حاجة نفتي بس ودلوقت حوار الفحم وبعدين انتو سايبين الماية المعفنة والأكل المسرطن والكيماويات و عوادم السيارات والأدخنة اللي بنشمها وبتتشطرو على الفحم ع الأقل ده طعمه حلو”.
وتساءلت الياسمين الأبيض عن :”طيب لما حتة فحم بنطفيها علشان تدي طعم بتعمل كل الأمراض دي أمال الكفتة اللي أصلا بتستوي على الفحم بتعمل إيه وبعدين الحبة السودا دي الرسول وصى بشربها هانشربها إزاي من غير ماتتعرض للحرارة ارجو تفسير لو سمحتوا”.
وسخر جرجس من التصرفات غير المسؤولة في التعامل مع الصحة:”يا عزت احنا بنشرب الفحم نفسه في الشيشة، إحنا بناكل لحم حمير وكلاب، إحنا عايشين في مجتمع مش عارف ولا قادر يتنفس غير تراب”.
وعبرت حبيبة عن غضبها من هذه المعلومة :”إيه الدليل العلمي على الكلام ده؟ الفحم اول موقد بدائي عرفته البشرية لطهي الأكل! جايين دلوقتي تعملوه مسرطن؟ وإيه المشكلة الحبة السودا في المخبوزات؟؟ خلاص سيبتوا كل اللحوم الجاهزة المسرطنة والمبيدات والهرمونات اللي في الأكل والفيليه ومزارع الاسماك المسرطنة ومسكتوا في حبة البركة؟؟ كفاية استخفاف بعقول الناس”.
وواجهت ريم هجومًا مع أدمن الصفحة، قائبة :”أول شيء أنا ممكن كنت بمنهتى البساطة امسح الكومنت و أكبر دماغي و أقول حرفيا خسارة إن الواحد يقول أي كلمة تفيد إنسان قدام ربنا ..
لو حد فيكم درس organic chemistry يعني مش بتكلم على مادة تقيله في الطب انا بتكلم عن bases ، الاحتراق غير الكامل للوقود او عن كلامنا هنا للفحم بيأدي لتكوين carbon monoxide ، يعني غاز أول أكسيد الكربون دا بسبب أن محصلش oxidation كامل في الاحتراق للفحم، الـ carbon Monoxide لما بيدخل الجسم سواء عن طريق التنفس او التصاقه في الطعام بيعمل bonding مع الـ hemoglobin و يكون carboxyhemoglobin ، وبالتالي بالتكرار الدم مش بيقدر يشيل قدر كافي من الأكسجين عليه علشان يوصله للخلايا و طبعا مع التكرار بيأدي لفشل في خلايا الجسم.. تاني حاجة الفحم و طبعا على حسب مصدره موجود فيه مجموعه من المواد الضارة و السامه زي Mercury , lead , arensic , و اللي لما تدخل الجسم ممكن تأدي لـCancer aw nervous system impact و عدم الاحتراق الكامل للفحم بيأدي لتكوين الـ coal ach اللي بيسبب دخول المواد دي جسم الإنسان سواء عن طريق الأكل أو التنفسط.
وقدمت بسمة سيف الشكر للصفحة على هذه المعلومة :”معلومة جديدة ومفيدة جزاكي الله خيرا”.