كلمات ا/ هانى الشاعر (حبيب ابراهيم)
نوّر قلبى يا ربى بنورك
إعلن وسط حياتى ظهورك
إكسر فيا .. كل خطية
حوّط من حوالية بسورك
تشرق شمسك
وأرجع تانى بقلبى أحسك
وأتمتع فى صلاتى بحسك
لما تنادى عليا وأقرب
مهما أتألم
مش راح أبعد عنك وأهرب
ولا راح أقول تجربة وهجرب
لاء أنا جايلك أهوة برجلية
ده أنا طول عمرى مستنيك
زى الأعمى بنادى عليك
يا إبن داود أنا صنع إيديك
قرب منى وحن عليا
واثق إنك سامع ليا
حاسس بيا
حاسس بإللى مالينى بجد
عارف إنى سنين موجوع
ياما عانيت من فقر وجوع
جوع للشر .. وطول العمر
ماشى طريق مش لاقى رجوع
ياما حاولت أتغيّر وحدى
بس نكرت وعودى وعهدى
غصبا عنى أصلى ضعيف
وأعمل أيه والشر أسرنى
وتراب جسمى لسة كاسرنى
لمعان وسط الشر ساحرنى
ومخلينى ضعيف وجبان
بس الأن
لازم أفوق وأرجع من تانى
هتمرد وأعلن عصيانى
وهسلم كده للى فدانى
بيه هتقوى .. وهكون أقوى
من بحر الشر اللى غوانى
أيوة يا رب أنا بصرخ ليك
قرب منى ومد إيديك
إلهب قلبى بكل شعورك
إعلن وسط حياتى ظهورك
أنا مستنى .. كلّى تمنى
تيجى تنوّر قلبى بنورك