سادت حالة من الاستياء بين رواد مواقع التواصل الاجتماعي “الفيس بوك و تويتر “بسبب الإعلانات التى تمت إذاعتها خلال الأيام الماضية وقد لاقي إعلان الفنانة دلال عبدالعزيز استياءً ونقداً ملحوظًا بين رواد المواقع وجاءت أبرز التعليقات علي الإعلانات :
بالنسبة لإعلان مدام دلال عبد العزيز اللى بتزور ست معندهاش ميه نضيفة فى بيتها ومحتاجين ماسورة ميه؛ مع إحترامى ده أكتر إعلان مستفز، تبرعات ايه اللى بتلموها علشان مواطنة تعيش عيشة آدمية في بلدها ده شكل المية اللى الست وبناتها بتشربها تدين المسئولين
فين دور الحكومة؟”
وفي تعليق اخر عن الإعلانات “الولاد دول هيطلعو جزء منهم عنده فيرس سى والجزء التانى إرهابى متطرف عشان البصة للمش صايم
الجزء التالت متحرش ومغتصب أطفال الجزء الرابع موطى راسه عشان خلفتو بنات؛ بصو بقى متتبرعش عشان البنية التحتية للبلد مش مسؤليتك، تانى حاجة متخليش بنتك تحضن حد خليها تحترم جسمها؛ خلفة البنات أحلى حاجة في الدنيا”
وفي تعليق آخر: “هاتو اعلانات السنة اللي فاتت أحسن اطلعو متنزلوش مجتمع متعفن.”
وعلق آخر :”شفت كيف صوروهم يشربو من الماء الغير صالح للشرب وهي بتكلمها وتقولها يلا .. الله يعينك قمة الاستهزاء مهانش عليهم يجبلهم القارورات النظيفة” ؛ “ماما هتشنيرك تربية فاضلة تربية الاعلان
#شيلو اعلانات رمضان هاتو اعلان السنة الى فاتت” ، “خلى بنتك تحضن البواب والجزار والفكهاني
وصاحب السوبر ماركت والعسكري
حضن كبير زي الاعلان يلا شجعو التحرش بالطفل اكتر.” تبص على اعلانات التليفزيون المصري تحس اننا عايشين في سويسرا . تنزل الشارع تلاقيها الصومال او بوركينا فاسو؛ الناس ماشية تكلم نفسها من الغلاء، ودول جايبين اعلانات لكندة علوش وجوزها”